Anija ruse e mallrave Sparta II, e cila është e lidhur me transportin e pajisjeve për ushtrinë ruse, u dëmtua rëndë në një sulm me dron në ujërat ndërkombëtare të Gjirit të Finlandës këtë mëngjes, pas të cilit u përfshi nga flakët dhe u zhyt në ujërat territoriale të Finlandës, tashmë anëtare e NATO-s, konfirmuan Forcat Mbrojtëse Finlandeze, raporton Agjencia e lajmeve Reuters.
Për shkak të incidentit që ndodhi në perëndim të ishullit rus Gogland, rreth 40 kilometra nga bregu finlandez, Finlanda ka rritur masat e sigurisë në zonë dhe ka informuar aleatët e saj, ndërsa Suedia fqinje ka ofruar ndihmë.
Sota läikkyy lähialueillemme. Suomen viranomaiset hoitavat tilannetta Suomenlahdella, jossa drooni-isku on osunut venäläiseen kauppa-alukseen. Ukrainalla on oikeus taistella hyökkääjää vastaan.
— Petteri Orpo (@PetteriOrpo) November 21, 2026
Kryeministri finlandez: Lufta po përhapet në fqinjësinë tonë
Kryeministri finlandez Petteri Orpo reagoi ndaj hyrjes së anijes së dëmtuar ruse në ujërat territoriale finlandeze, duke theksuar përmes rrjetit social X, se Ukraina ka të drejtë të mbrohet kundër agresionit.
“Lufta po përhapet në zonat tona fqinje. Autoritetet finlandeze po zgjidhin situatën në Gjirin e Finlandës, ku një sulm me dron goditi një anije tregtare ruse. Ukraina ka të drejtë të luftojë agresorin,” u shpreh Orpo.
Roja Kufitare Finlandeze tha se ishte gati të shpëtonte ekuipazhin. “Situata nuk përbën kërcënim për trafikun tjetër detar. Përgatitjet për operacione të mundshme shpëtimi po kryhen në bashkëpunim me autoritete të tjera në Finlandë dhe ndërkombëtarisht,” u shpreh Roja Kufitare Finlandeze përmes një deklaratë.
Folën edhe suedezët
Kryeministri suedez Ulf Kristersson reagoi gjithashtu përmes rrjetit social X, duke njoftuar se vendi i tij po monitoronte zhvillimet dhe i kishte ofruar ndihmë Finlandës fqinje, pa dhënë detaje.
Megjithatë, Ministria finlandeze e Mbrojtjes njoftoi se ushtria kishte rivendosur kufizime të përkohshme në trafikun ajror dhe detar në pjesën lindore të Gjirit të Finlandës për të mbrojtur civilët dhe për t’u mundësuar forcave të veprojnë në rast se dronët duhej të kapeshin.
MyShipTracking AIS data, the Russian military-linked cargo ship SPARTA II departed St. Petersburg at 19:46 UTC on November 20, bound for Baltiysk in Russia’s Kaliningrad exclave. The vessel was travelling west through the Gulf of Finland when it was attacked on the morning of November 21.
— Special Kherson Cat 🐈🇺🇦 (@bayraktar_1love) November 21, 2026
Shpërthimet u dëgjuan në anije, rusët pretendojnë se u rrëzuan 80 dronë
Policia dhe rojet kufitare estoneze morën një raport për një zjarr në anijen ruse të mallrave Sparta II në orën 9:35 të mëngjesit sipas kohës lokale. Sipas informacioneve fillestare, shpërthime ndodhën në anije ndërsa ajo po lundronte në një rrugë ndërkombëtare detare drejt enklavës ruse të Kaliningradit, rreth 11 milje detare në veri të ishullit estonez Vaindloo.
Guvernatori i Rajonit të Leningradit të Rusisë, Aleksandr Drozdenko, konfirmoi se anija u godit nga dy dronë në ujërat ndërkombëtare, rreth tre milje detare nga kufiri detar i Rusisë. “Ekuipazhi aktualisht po evakuohet. Pasojat e incidentit ende po përcaktohen”, njoftoi Drozdenko, duke shtuar më vonë se gjithsej 80 dronë ishin rrëzuar mbi rajonin e Leningradit dhe se alarmi i rrezikut ajror ishte hequr.
Guvernatori i Kaliningradit, Alexei Besprozvannykh, tha se incidenti nuk përbënte ndonjë kërcënim për furnizimet e enklavës ruse të vendosur midis Polonisë dhe Lituanisë. Autoritetet estoneze kanë paralajmëruar banorët në verilindje të vendit për rrezikun e mundshëm nga dronët, dhe avionët luftarakë të NATO-s janë ngritur në ajër për të monitoruar situatën pranë hapësirës ajrore estoneze.
Finland’s Defence Forces say a drone strike hit the Russian cargo ship ‘Sparta II’ in the eastern Gulf of Finland earlier this morning, setting it on fire. The Estonian police said the ship was sailing from St. Petersburg to Kaliningrad. It was struck in international waters west of Suursaari and has since drifted into Finnish territorial waters, where the Border Guard is leading the rescue operation and preparing for possible environmental damage. Finland’s military did not say who carried out the attack. Prime Minister Petteri Orpo wrote on X that the war is "spilling over into our immediate vicinity" and that Ukraine "has the right to fight back." Russian officials said two drones hit the ship, according to Leningrad Oblast Governor Alexander Drozdenko. The strike came as Ukrainian drones reportedly attacked the Leningrad region overnight. On November 11th, Ukraine’s Security Service said it carried out a strike on a Russian warship, the corvette ‘Naro-Fominsk’, in the same gulf, according to Finnish broadcaster Yle. Ukraine has not commented on the Sparta II.
— OSINTdefender (@sentdefender) November 21, 2026
Kjo nuk është anije tregtare e zakonshme
Sparta II nuk është anije tregtare e zakonshme. Ajo i përket kompanisë ruse Oboronlogistika, e cila ofron shërbime logjistike për Ministrinë e Mbrojtjes Ruse, duke përfshirë transportin e pajisjeve ushtarake, furnizimet për forcat ruse dhe dërgimin e ngarkesave në Krimenë e pushtuar.
Sipas inteligjencës ushtarake ukrainase, në gusht 2022, Sparta II ka transportuar sisteme të mbrojtjes ajrore S-300 nga Siria në portin rus të Novorossiysk për qëllime të luftës kundër Ukrainës. Anija u sanksionua nga Shtetet e Bashkuara në maj 2022 për lidhjet e saj me Oboronlogistik, dhe Ukraina e shtoi atë në listën e saj të anijeve të sanksionuara në maj të këtij viti.
Ende nuk është konfirmuar zyrtarisht se kush i nisi dronët që goditën Sparta II, dhe Ministria e Jashtme ukrainase nuk iu përgjigj menjëherë një kërkese për koment. Sulmi erdhi pas një nate në të cilën Rusia raportoi një numër të madh dronësh ukrainas mbi rajonin e Leningradit.