Bie ndjeshëm eksporti i Scotch Whisky 

Eksporti i Scotch Whisky ka rënë ndjeshëm në vitin 2023, nën presionin e shpenzimeve të mëdha të jetesës, ka bërë të ditur shoqata e prodhuesve

Vlera e eksportit është ulur me 9.5 për qind, në 5.6 miliardë paund (7.0 miliardë dollarë), vlerëson shoqata. Vëllimi i eksportit ka pësuar rënie edhe më të madhe, 22 për qind.

Ky sektor po përballet me krizën e shpenzimeve të jetesës në mbarë botën, që ka goditur shpenzimet dhe furnizimet edhe të Scotch Whisky, thekson shoqata e prodhuesve.

Vlera e eksportit në tregun kyç amerikan është ulur me rreth 7 për qind, në 978 milionë paund. Shitja në Gjermani ka rënë me dy për qind, në 197 milionë paund.

Një vit më parë, eksporti ishte rritur me 14 për qind në krahasim me vitin pandemik 2019. Prodhuesit skocez të Scotch Whisky për herë të parë arritën të tejkalojnë kufirin prej 6 miliardë paund në vitin 2022.