Kryeministri Albin Kurti fton kompanitë gjermane për investime në Kosovë

Qëndrimin në Munich, për të marrë pjesë në Konferencën e Sigurisë, Kryeministri i Kosovës, Albin Kurti, e filloi me një mëngjes pune me përfaqësues të bizneseve gjermane, të organizuar në bashkëpunim me Këshillin e Jashtëm mbi Marrëdhëniet Ekonomike (Foreign Councils on Economic Relations).

Albin Kurti nënvizoi indikatorët ekonomikë të vendit dhe progresin e Kosovës si një shtet zhvillimor, progresist e demokratik, bënë të ditur Zyra e Kryeministrit . Ai renditi përparësitë demografike dhe gjeografike, politikat e favorshme fiskale, të rinjtë profesionistë, reformën dhe përmirësimi në sundimin e ligjit dhe stabilitetin institucional, si arsye se pse e bëjnë Kosovën ambient të favorshëm për investime të huaja.

“Kryeministri Kurti i njoftoi për planet dhe potencialin e investimeve në vendin tonë në shumë fusha. Ndër to, u theksua sektori i energjisë, përkatësisht energjisë së ripërtëritshme, ku së fundmi u përmbyll me sukses procesi i ofertimit për ankandin e parë solar 100 MW dhe së shpejti pritet të hapet thirrja për ankandin tjetër, të erës, me kapacitet 150 MW,” thekson Zyra e Kryeministrit përmes një njoftimi.

Gjithashtu, Kryeministri foli edhe për fillimin e zbatimit të arsimit dual në 21 shkolla profesionale, në 14 komuna me qëllim të ndërlidhjes së arsimit me tregun e punës, si dhe për Fondin Sovran, i cili do të sjellë një cikël të ri investimesh në vend duke e lidhur Kosovën me tregjet botërore financiare.

Në këtë kontekst, kryeministri Kurti i ftoi kompanitë gjermane që ta vizitojnë Kosovën dhe të konsiderojnë mundësitë që ofron ajo për investime.

Ndryshe, Kryeministri i Kosovës, Albin Kurti, ishte i shoqëruar nga shefi i Stafit, Luan Dalipi dhe Ambasadori i Kosovës në Gjermani, Faruk Ajeti,