Bordi zgjohet me rritje të çmimeve të karburanteve, në rajon pësojnë ulje

Në ditën që në Kosovë bien çmimet e naftës, në shtetin ku furnizohen komapnitë kosovare nafta pëson rritje të çmimit! Ose më saktë Bordi i Qetit dhe Edi Ramës ka vendosur që duke filluar prej sot çmimi i naftës të rritet me 7 lekë ndërsa ai i benzinës me 4 lekë.

Kështu, nafta do të tregtohet me 197 lekë për litër ndërsa benzina me 190 lekë për litër.

Ndërkohë çmimi i gazit mbetet i pa ndryshuar, 80 lekë për litër.

Ndryshe, çmimet e caktuara nga Bordi i Transparencës hynë në fuqi sot në datë 4 Mars, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 197 lekë/litri, ndërsa i shitjes me shumicë jo më shumë se 185 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 190 lekë/litri, ndërsa i shitjes me shumicë jo më shumë se 178 lekë/litër.

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.

Çmimi i gazoilit për peshkim është vendosur 103 lekë/litër.

Çmimet e caktuara nga Bordi do të hyjnë në fuqi në datë 04 Mars 2023, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.