Video/ “Jeta” që ndryshoi jetën e grave në Deçan

Pavarësimin e bashkëvendëseve të saj ka 18 vjet që e ka bërë mision. Safete Gacaferi nga Deçani udhëheq organizatën “Jeta” në këtë qytet, e cila organizon kurse e trajnime për gratë. Në një rrëfim për RFE, ajo tregon se mijëra gra deçanase janë aftësuar në profesione të ndryshme dhe se dhjetëra prej tyre kanë arritur t’i hapin bizneset e veta.

Ndryshe, Komuna e Deçanit ka rreth 40 mijë banorë. Sipas të dhënave të fundit të Agjencisë së Punësimit të Kosovës, atje janë regjistruar mbi 1.000 punëkërkues, shumica prej të cilëve meshkuj. Besohet se shumë të papunë nga rajonet e largëta nuk janë regjistruar fare./RFE/