Bulmet Jugu në tokën e xanun!
nga Agim Popoci
Në ditët kur po krijohej ideja se narrativa e krijuar nga Sigurimi i Shtetit “tokë e xanun” kishte humbur kuptimin për shkak të rrethanave reale që u krijuan në kryeqytet, shfaqet dobiçi i rritur me mirazhin e kriminelit Mehmet Shehu, për ta rikthyer në artikulimin politik komunist me togfjalëshin e zakonshëm ordiner “Saliu i solli shqiptarët nga Veriu”!
Duke e shpërfillur faktin se ky katapultim i narrativës që po shuhej vinte nga ish-menaxheri i krimeve të Sigurimit të Shtetit gjatë viteve 1997-2002, shumë shqiptarë të ardhur nga Veriu i Shqipërisë reaguan ashpër, duke e cilësuar madje edhe si racizëm!
Megjithëse duhet pranuar që në krye të herës se nuk ka vend për racizëm, ka shumë pikëpyetje jo vetëm për ata që vijnë nga zonat veriore, se pse nuk ka racizëm dhe pse erdhi ky katapultim i narrativës së mirënjohur komuniste pikërisht në momentin kur ajo po binte në kontradiktë me krijuesin, por, nga ana tjetër, po servirej edhe në momentin kur po dështonte dhe nisma e arrestimit të liderit të opozitës në shtëpi!
Sikur Fatos Klosi, të cilin partia e kurorëzoi edhe si drejtues në Fakultetin e Shkencave të Natyrës pas shërbimit të zellshëm kriminal në Shërbimin Informativ Shtetëror, të ishte racist, ai do të reagonte pse për ca ditë do vijnë 30 mijë refugjatë afrikanë në tokën shqiptare, me miratimin e Qeverisë Rama!
Por, ky njeri reagon duke konstatuar pse po aq shqiptarë kanë ardhur nga zonat e Veriut për 30 vjet në Tiranë, ose siç e tha duke e shoqëruar me neurotizmin e zakonshëm komunist serb, Saliu i zbriti!
Pra, edhe pas 30 viteve të propagandimit të urrejtjes nga Sigurimi i Shtetit për të gjithë shqiptarët që jetojnë mbi Fushë Krujë, edhe pas personifikimit të këtyre njerëzve si zaptues të pronës me parullën “tokë e xanun”, sot, kur dihet se kush është ai që ka vjedh dhe po vjedh toka në këtë vend, Edi Rama po u thotë shqiptarëve me gojët e pista të sigurimsave, se është Saliu ai që i solli njerëzit nga Veriu!
U pa tek Unaza e Madhe në Tiranë, parulla e Sigurimit të Shtetit “tokë e xanun” doli në kundërshtim me krijuesin, pasi 80 për qind e atyre që ishin aty ku po ndërtohet kjo Unazë, çuditërisht rezultuan jo vetëm që nuk ishin nga Veriu dhe nuk i kishte sjellë Saliu, por ishin dhe votues të Partisë Socialiste; Ose më konkretisht, elektorat i trafikantit ndërkombëtarë të drogës dhe dorës së djathtë të Edi Ramës, ish-ministrit të Brendshëm, Saimir Tahiri!
Dhe jo vetëm kaq! Kur i hipi kalit të pushtetit duke vjellë urrejtje pa pushuar për shqiptarët e Saliut në “tokën e xanun”, Edi Ramës i lindi nevoja për të dëshmuar se në protestat e Sali Berishës ka shumë pak njerëz! Pavarësisht dronëve të bolinove dhe sandrave, sot shtohet pyetja kush e ka gënjyer këtë milet për 30 vjet; Ose, cila ishte gënjeshtra, se Saliu solli aq shumë shqiptarë nga Veriu, apo se sot ka shumë pak njerëz në protesta!
Sot, në përvjetorin e kumtit të partisë kriminale përmes gazetës “Koha Jonë” se “me ardhjen e Sali Berishës në pushtet, i gjithë Veriu erdhi në Tiranë”, kur as aromë Veriu nuk ndihet në kryeqytet, Edi Rama liron nga zinxhirët pitbullat e Sigurimit për treguar se kanë nuhatur të tillë në mesin tonë!
Nëse Tiranën e pushtoi Veriu me “tokën e xanun” si është e mundur që i gjithë ky komunitet nuk ka nevojë as për elementët elementar për jetesë!
Nga Hasi në Strasburg e Freiburg, nuk ka qytet që nuk ka të paktën një furrë me pronar hasjan, por, kjo nuk ndodhë me Tiranën që administrohet nga partia kriminale e Edi Ramës! Kur Sigurimi i Shtetit thotë se është një milet që erdhi në “tokën e xanun” në Tiranë, e për ca ditë thoshte me ata të llumit të Lulzim Bashës edhe në selinë e PD-së, si është e mundur që nga 30 mijë verior nuk erdhi një furrtar duke e ditur se ka aq shumë konsumatorë; Apo tokën mund ta zënë, por, bukën duhet ta konsumojnë siç u thotë partia e Edi Ramës!
Në fund, Edi Rama mburret me turizmin shqiptarë, atë në Alpet shqiptare madje i ka dhënë mikut të vetë komunist edhe licencën për hotel me pesë yje në Valbonë, në zonën ku vizitorët e huaj mahniten me ushqimin dhe në veçanti bulmetin; Por, nuk është e qartë, nëse ka aq shumë shqiptarë nga Veriu në “tokën e xanun” në Tiranë, siç thotë Partia dhe Sigurimi i Shtetit, pse nuk ka qoftë dhe një dyqan me Bulmet Veriu ndërsa kanë mbirë dyqane me Bulmet Jugu në çdo lagje të Tiranës!
Shqiptarët e ardhur nga Veriu heshtin duke bashkëjetuar edhe me këtë vuajtje komuniste ndonëse Edi Rama nuk është Charles de Gaulle që drejtonte shtetin i cili prodhonte 246 lloj djathërash, por Sigurimi i Shtetit me çirakun e tij Rama duhet ta dinë ashtu siç e dinë çdo shqiptar nga Veriu dhe Jugu, se me Bulmet Jugu në tokën e xanun ai mund të kënaq dhe shumë shpirtra, por, nuk thartohet çdo gjak blu i kombit shqiptarë sikur të zotëroj në katër anët errësira!
Po tashi! Fundi i kësaj drame shqiptare varet vetëm nga shqiptarët, por, magjinë e penës së Lasgush Poradecit nuk e prish dot i biri Kristaqit as me urdhër partie, as me mirësjelljen e tij që buron nga edukata se si duhet të varet një poet nga Veriu:
Dyke nisur udhëtimin mes-për-mes nër Shqipëri,
Drini plak e i përrallshëm po mburon prej Shëndaumi…
