Çështja është mbyllur njëherë, deputeti i PD Luan Baçi në SPAK: U rikallëzova nga një patronazhist!
Deputeti i Partisë Demokratike, Luan Baçi, është paraqitur sot në SPAK ku pas daljes ka sqaruar se ishte për një çështje që është hetuar më parë, por që ishte bërë sërish kallëzim nga i njejti person, patronazhist i PS!
“Shkova për një çështje që është mbyllur njëherë, u rikallëzova. U rikallëzova dhe njëherë nga i njëjti person për fshehje pasurie, është hetuar dhe nuk jam i shqetësuar,” tha Luan Baçi duke shtuar se fjala është për një rikallëzim të bërë nga një patronazhist.
“Ka bërë përsëri të njëjtin kallëzim nje patronazhist ‘bravist’. Gjithsesi unë përsëri u përgjigja, por ndoshta dhe SPAK-u si të vëmendshëm që janë për t’u bërë qejfin dhe qytetarëve, unë përsëri u paraqita,” tha deputeti i Partisë Demokratike, Luan Baçi duke sqaruar se nuk ishte marrë në pyetje nga një prokuror, por, punonjës i BKH-së.
