Çfarë po ndodhë me çmimin e naftës, në kulmin e tensioneve Washington-Teheran…
Sot çmimet e naftës janë stabël në tregun ndërkombëtar, në kontekstin e riskut të vazhdueshëm që lidhet me ofertën në kulmin e tensioneve Washington-Teheran, por edhe frikës që lufta tregtare mund të dobësoj aktivitetin ekonomik, e me këtë edhe kërkesën për naftën dhe gazin.
Çmimi i barelit në tregun londinez ka ngelur i pandryshuar në raport me mbylljen e një dite më parë, në 73.06 dollarë, deri sa në atë amerikan kemi një rritje të lehtë me 15 cent, në 68.04 dollarë.
Ulet çmimi i barelit
Çmimi i barelit është ulur brenda këtij muaji në të dy tregjet, sepse janë rritur furnizimet e naftës virgin nga Rusia, Arabia Saudite dhe anëtareve tjera të Organizatës së vendeve eksportuese të naftës, OPEC, derisa shpërthyen humbjet e papritura në prodhim.
Në klimën e pjesëmarrësve në tregje kanë ndikuar edhe të papriturat gjeopolitike, duke përfshirë këtu frikën se për shkak të konfliktit në Lindjen e mesme, mund të vijë deri tek çrregullimi i furnizimeve, përkatësisht që lufta tregtare e SHBA me partnerët më të mëdhenj strategjik mund të shkaktoj stanjacion në rritjen ekonomike globale.
Irani, si prodhuesi i tretë më i madh i naftës në OPEC me prodhimin ditor prej 3.75 milionë barel, u përballë me presionin në rritje të SHBA, në kontekstin e presionit amerikan ndaj vendeve tjera që të anulojnë gjithë importin e naftës iraniane duke filluar nga muaji nëntor.
Arabia Saudite dhe prodhuesit e tjerë të mëdhenj janë duke rritur prodhimin në mënyrë që të kompensojnë humbjet që mund të shkaktohen për shkak të afatit të fundit që po afrohet, e që është muaji nëntor.
