Çmenden rilindasit e Ramës, themelojnë Komisionin e Posaçëm për hetimin e Raportit të Dick Marty

Sot 83 rilindas të Edi Ramës janë çmendur duke miratuar propozimin e shefit të tyre parlamentar, Taulant Balla, për ngritjen e një Komisioni të Posaçëm Hetimor, që do të hetojë Raportin e Dick Marty i cili u miratua në vitin 2011 nga Asambleja Parlamentare e Këshillit të Evropës.

Ky propozim i Ballës që u konsiderua nga rivalët politik, për konsum të brendshëm, tejkalon çdo imagjinatë idiote të atyre që prodhojnë dhe konsumojnë politikë shqiptare.

83 injorantë iu nënshtruan urdhërit të partisë pa marrë parasysh detyrimeve ndërkombëtare që rrjedhin nga anëtarësimi në Këshillin e Evropës, dhe miratimin e Raportit të Dick Martyt në 25 Janar të vitit 2011 me vetëm 8 vota kundër pasi u rrëzuan 21 Amandamente nga Shqipëria, Turqia dhe Gjeorgjia, që kërkonin balancimin e Raportit.

Para miratimit, sukses u quajt ndryshimi i emërtimit të Raportit nga “hetime për trajtim çnjerëzor dhe trafikim të organeve” në “hetim për dyshime” gjë që u reflektua edhe në aktakuzat e ish-krerëve të UÇK-së, falë gatishmëri së shtetit shqiptar për të hetuar dhe u shuar shumë nga këto dyshime.

A mund të hidhej poshtë ky Raport në vitin 2011 nga shteti shqiptar?!

Po, dhe këtë nuk e dinë vetëm rilindasit e Edi Ramës. Me largimin nga Këshilli i Evropës, Raport i Dick Martyt mund të mos njihej nga shteti shqiptar, Edi Rama dhe Taulant Balla por si i tillë ai githsesi do të miratohej.

Filmat që bëjnë sot Edi Rama me sejmenët e tij mund të përdoren për denigrimin e rivalëve politik në prag të zgjedhjeve të 25 Prillit, por Raporti i këtij Komisioni të Posaçëm që sot u miratua nga Parlamenti i Shqipërisë nuk do të ketë kurrfarë vlere as juridike, as politike madje as edhe ekonomiko-sociale, duke pasur parasysh se deri më sot, në botë ende nuk jepet ndonjë çmim për Raporte që hartohen nga idiotët.

Ndryshe, sot në Parlamentin e Shqipërisë, 10 deputetë votuan kundër ngritjes së këtij Komisioni ndërsa 10 deputetë abstenuan.