Me kreun e Doganave, Yuri Kim: Do rrisim bashkëpunimin për të ndaluar krimin e organizuar

Pas takimit me Drejtorin e Përgjithshëm të Doganave, Gent Gazheli, Ambasadorja e SHBA në Tiranë, Yuri Kim, tha se janë dakordësuar se do rrisin bashkëpunimin për të ndaluar krimin e organizuar dhe korrupsionin.

“Unë u takova me Drejtorin e ri të Përgjithshëm të Doganave, Gent Gazhelin, për të diskutuar rëndësinë e lehtësimit të biznesit të ligjshëm, sigurimin e sigurisë dhe kontrollit në lëvizjen e mallrave, si dhe sigurimin e përgjegjësisë,” tha Ambasaorja Yuri Kim në reagimin e saj përmes rrjetit social Twitter duke përfunduar:

“Ne ramë dakord për të rritur bashkëpunimin për të ndaluar krimin e organizuar dhe korrupsionin.”