Debilizmi s’mbulohet me shoshën “vatikan jeshil”
nga Agim Popoci
Artikulimi i prurjeve të reja në Partinë Socialiste pas Asamblesë së fundit, shkaktoi tronditje të madhe në opinionin publik, jo për mbresat që kishte lënë debilizmi i Edi Ramës tek të rinjtë shqiptarë, por, për nivelin që kanë socialistët e rinj shqiptarë edhe kur arsimohen në universitetet më prestigjioze në botë!
Kjo tronditje që shumë shpejtë mori përmasa me efekte të frikshme, alarmoi dhe ustain e propagandës dhe mashtrimit, Kryeministrin e Shkodrës, Himarës dhe gjithë Shqipërisë, i cili urgjentisht nisi ta mendoi shpikjen për shuarjen e gjithë këtij zjarri turpi që shpërtheu me drutë e tij!
Me siguri se ky debilizëm do të mirëkuptohej sikur të buronte nga një socialiste që ka vijuar Akademinë Politike “Qemal Stafa”, por, kur ai doli nga goja e një arkitekteje të dal nga Cambridge University, situata bëhet shumë më alarmante si për Shqipërinë ashtu dhe këtë universitet prestigjioz që prodhon mostra të tilla shoqërore! Aq alarmante sa një reagim i tillë nuk është shënuar as kur në Shqipëri shpërtheu kanabisi, kokaina me banane në portet shqiptare, koncesionet në shëndetësi ose inceneratorët!
Idhujtaria në Shqipëri është bërë një trampolinë e zakonshme karriere ndër të rinjtë socialistë, dhe ndërsa nga disa sociologë shpjegohet si një edukatë prindërore që ka lëshuar rrënjë të thella në epokën e komunizmit, aktualisht në pushtetin e Edi Ramës është e theksuar si mënyra e vetme për të kapur majat e pushtetit!
Kështu ndodhi dhe me të panjohurën arkitekte socialiste që vinte nga bankat e Cambridge University, ku vetëm pasi u bë Nënkryetare e Asamblesë së PS , konstatoi të metën e liderit që i ndryshoii jetën: 20 hapat para të Edi Ramës!
Ndonëse u kryqëzua nga të gjithë për idiotizmin që nxori nga goja, njeriu me gjithë këtë të metë nxitoi dhe e bëri zv/ministre të shtetit ku asgjë nuk funksionon, as Kryeministri që e emëroi pandehur në majat e pairamidës socialiste, as kjo Asamble dhe aq më pak Ministria e Turzimit.
Ishte e kot, dhe, Kryeministri i Shkodrës, Himarës dhe gjithë Shqipërisë i vari të gjitha shpresat si te çdo çudi shqiptare që zgjatë tre ditë, kur “debilet socialiste” aq shumë të përfolura në rrjetet sociale do harrohen. Por, kritikat nuk po pushonin!
Jo se Edi Rama nuk është 20 hapa para, madje edhe më shumë, sepse nuk ka shqiptarët në këtë botë që e mendon rritjen e mirëqenies së këtij vendi duke shkatërruar armë kimike siriane, mbjell e trafikuar kanabis vietnamez, ose duke importuar banane me kokainë ekuadoriane!
Shumë koka shqiptarë kanë menduar për bashkimin e kombit por asnjëri sikur Edi Rama, duke i detyruar shqiptarët ta paguajnë lëvizjen nëpër rrugën e kombit, duke paditur kryeministrin e Kosovës, dhe kur iu desh Serbisë edhe ta ndëshkoi Kosovën që guxon të ruhet nga terroristët serbë në Veri! Hapi gojën dhe ofendoi mbarë e mbrapsht të gjithë kosovarët që nuk ishin për ndarjen e Kosovës, por heshti kur terroristët serbë guxuan të futen e madje edhe vrasin policë shqiptarë në Veri, aty ku Presidentja dhe Kryeministri i Kosovës paralajmëruan se Presidenti i Serbisë po përgatiste luftë! Por, Edi Rama ishte shumë hapa para, dhe ishte i vendosur se bashkimi kombëtar shqiptarë bëhet me Presidentin e Serbisë!
Se Edi Rama ishte shumë hapa para u pa edhe në kohën e pandemisë! E gjithë bota ishte impenjuar ta luftojë këtë lloj virusi që nuk kuptohej se nga i erdhi njerëzimit, me vaksina; Ndërsa lideri i arkitektes së nivelit të lartë, nxori ushtrinë, mbylli të gjitha spitalet dhe urdhëroi virusin që nuk ishte shumë hapa para, të mos futet në Spitalin që blen Spitale, sepse vetëm ai do jetë i hapur! Terrori që përjetuan shqiptarët nga policët e ushtarët deri te shthurja e këtij shteti me të vetmet plazhe pa virus në botë, ishin shenjë e qartë për njeriun që ishte shumë hapa para, por që duhet një diplomë e Cambridge University për ta kuptuar!
Po, për ta kuptuar se Check Up duhet paguar e nëse nuk e bënë njeri nuk ka lidhje, sepse ai që urdhëroi është shumë hap para! Dializa është me e lehtë kur e bënë një mik i liderit me koncesion, e Sterilizimi, që të jetë më i efektshëm duhet të shërbej për vjedhje sa më sterile, mundësisht në duart e Ilir Beqjes! Ndryshe, je shumë hapa mbrapa!
E kur i bëri të gjitha këto e kuptoi që po i ikën pushteti! edhe pse ishte i favorizuar që ishte shumë hapa para, goditi opozitën, korruptoi FBI-në, dhe grisi Marrëveshjen për Kodin e ri Zgjedhor! Sekretarja e parë e partisë Yuri buzëqeshi pse u hoqën koalicionet sepse njeriu që ishte shumë hapa para fitoi zgjedhjet, e kurorëzoi liderin e opozitës “non grata”, shkatërroi opozitën dhe për zgjedhjet e radhës i shpalli për lider Nënkryetarin Kryetar!
Por, ndonëse debilizmi i Edi Ramës i kishte prekur çdo ind edhe aty ku ishte, në Cambridge University, arkitekja zv/ministre e cilësoi si të metë “20 hapa para shqiptarëve”! Dhe, ishte pikërisht kjo e metë që diktatori e mori si kompliment dhe nuk e la të mendoi se zgjedhjet fitohen me votë, dhe se në këtë botë ka edhe shqiptarë që ndonëse nuk kanë studiuar në Cambridge University, nuk e shesin dhe as nuk e blejnë votën!
Sot, kur ditët e fundit të pushtetit të Edi Ramës kanë filluar numërimin mbrapsht, kur hapat para që ishte i shërbeun vetëm për të shkaktuar mjerim dhe varfëri, këta shqiptarë që nuk e shesin dhe as nuk e blejnë votën, kanë se kujt t’ia besojnë! Nëpër mendje e kishte një të vetëm që po i zinte rrugën edhe pse e zhveshi nga të gjitha mundësitë që i jepte ligji, Sali Berishën; Por, të qenurit 20 hapa para e pa Saliun vetëm në pranga! Kështu, e arrestoi Saliun, por, nuk arriti të gjithë shqiptarët!
Këtë nuk ia tha as arkitektja socialiste e Cambridge University që presupozohet të ketë mësuar gjatë shkollimit të pa kontaminuar, se çfarë janë të drejtat themelore të njeriut! Por, hapi gojën dhe i hapi një gropë liderit që nuk po e mbyllë dot ndonëse është shumë hapa para!
Asi që kishte në mëngë, e nxori për të mbyllë këtë gropë të madhe septike, por harroi se sot në ujëra të zeza po noton i gjithë vendi që sundoi për 12 vjet, dhe, nuk ka shtet të ri, islamik ose me model Vatikani që e pastron, qoftë ky edhe i Urdhërit Bektashian!
Stuhia “Vatikani jeshil” që e ideoi ky njeri njëzetë hapa para, në emër të tolerancës fetare, nuk humb dot asnjë gjurmë të debilizmit që injektoi në rininë socialiste, dhe vrerin që çdo vit derdhet për Urdhërin Bektashian, Teqenë e Kulmakut dhe çdo kurban që theret pranë varrit të Abaz Aliut!
Toleranca fetare vetëm merak i këtij njeriu 20 hapa para nuk është, ndryshe do të ndërhynte që të zgjidhej Kryegjyshi Botërorë, meqë bektashinjtë e Amerikës dhe ata të Dibrës nuk i kanë dhënë votën, dhe, sot Baba Mondi është vetëm Ushtrues i Detyrës dhe asgjë më shumë; Kryegjysh ishte dhe mbetet vetëm ëndrra e tij!
I mbyti dhe alibinë e fundit të gjithë atyre analistëve hajvanë që ka nëpër këmbë dhe duan ti bindin shqiptarët se Edi Rama nuk është diktator! Jo shteti islamik, por shembulli i Vatikanit tregon se Rama ka mendësi diktatoriale! Jo se është diktator si Benito Mussolini, që e themeloi Vatikanin në vitin 1929, por, se idetë pushtetmbajtëse janë idiotike po aq sa të Mussolinit!
Dhe, në fund, meraku për një shtet të Urdhërit Bektashian! Sikur vërtetë të ishte 20 hapa para, me aksesin që paska në gazetën New York Times, mund ta hidhte idenë e krijimit të një shtetit të tillë islamik në SHBA; Aty ku toleranca fetare është në krizën më të madhe që nga krijimi i shtetit amerikan dhe bektashinjtë shqiptarë janë fetar të vërtetë ndryshe nga ata në “Vatikanin jeshil”, ndërsa procesi i krijimit të shtetit të ri ndryshe nga Kushtetuta e Republikës së Shqipërisë është i paraparë me Nenin 4 pjesa 3 e Kushtetutës së Amerikës:
“Kongresi mund të pranoj shtete të reja në union, por asnjë shtet i ri nuk do të formohet dhe ngrihet në kuadër të kompetencave të cilit do shtet tjetër. Cilido shtet tjetër nuk mund të themelohet me bashkimin e dy ose më shumë shteteve ose pjesë të shteteve, pa pëlqimin e pushtetit legjislativ të atyre shteteve si dhe pëlqimin e Kongresit. Kongresi ka fuqinë që të miratoj të gjithë rregullat dhe aktet e nevojshme që kanë të bëjnë me territorin ose pronën tjetër që i takon SHBA.”
