Deputetët e Bashës djegin dhe raundin e tretë, tani Presidentin e zgjedh Edi Rama 

Deputetët e Lulzim Bashës me në krye Enkelejd Alibeajn përfunduan me sukses misionin e tyre duke djegur edhe raundin e tretë të zgjedhjes së Presidentit të Republikës, duke i krijuar mundësinë Edi Ramës që të zgjedh Presidentin që do partia e tyre tashmë e përbashkët, Partia Socialiste!

Ky epilog erdhi pasi opozita të cilën e pranon Edi Rama nuk dorëzoi sot asnjë kandidaturë që ishte dhe shansi i fundit për të propozuar një kandidat që mund të votohej si konsensual.

Kështu, nesër në orën 10:00 do të zhvillohet seanca plenare e Parlamentit të Shqipërisë ku do të konsumohet dhe votimi i tretë për zgjedhjen e Presidentit të Republikës.

Në raundin e katërt, Edi Rama ka paralajmëruar se PS do të propozojë kandidatin për President të Republikës i cili do të çohet për votim në parlament dhe për tu zgjedhur i duhen vetëm 71 vota. Këtu i jepet fund dhe maskaradës presidenciale me aktorët e shëmtuar Balla-Alibeaj, të cilët nuk arritën të bindin as veten e tyre se po zgjedhin Presidentin!