Koronavirusi në Kosovë në pikën zero

Pas testimit të 469 personave gjatë 24 orëve të fundit për herë të parë që nga fillimi i pandemisë asnjëri prej tyre nuk rezultoi pozitiv me COVID-19 duke e lënë 230.304 numrin e të prekurve me koronavirus në Kosovë. Duke përditësuar të dhënat, Instituti i Shëndetit Publik raporton se nuk ka asnjë humbje jete nga koronavirusi gjatë 24 orëve të fundit ndërsa janë shëruar 28 pacientë.

Njoftim:

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 25 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.828.983 doza të vaksinës. Deri më sot 823.036 qytetarë janë vaksinuar me dozën e dytë. Deri më sot janë dhënë 102.721 doza përforcuese dhe doza të treta të vaksinës kundër COVID-19.

Nga 469 testime, 0 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Sot janë shëruar 28 qytetarë, derisa numri i përgjithshëm i të shëruarve është 225.134. Në total numri i rasteve aktive është 75.

Mbani maskat!

Respektoni distancën!

Mbani higjienën!