Do iki Xhafaj, e pastaj…

Askush nuk e ka menduar që një trafikant droge, tashmë edhe me vendim gjykate, mund ta shndërroj vëllaun e tij, ministrin e punëve të Brendshme, Fatmir Xhafajn, në një kauzë opozitare. Por ja që ndodhi, për fatin tonë të keq, në këtë Shqipëri me qeveri droge dhe korrupsioni, gjithçka mund të ndodhë.

Xhafaj nuk iku, madje u sforcua edhe kryeministri Edi Rama për ta mbrojtur vëllain trafikant duke akuzuar rrëfimin e shokut të Gonit, si një trill trafikanti për të denigruar “figurën e Fatmir Xhafajt”!

Se çfarë ka këtu për t’u deniguar figura e tij, këtë vetëm Edi Rama e di, por e keqja e gjithë kësaj historie rrëfimesh dhe akuzash, është loja në të cilën u fut opozita, dhe e bëri kauzë Fatmir Xhafajn. Këtu është i gjithë problem!

Fatmir Xhafaj dhe Saimir Tahiri ngjajnë si dy pika shiu, në shërbim të krimit. Partia Demokratike mund ti akuzoj nga mëngjesi deri në darkë si Tahirin ashtu edhe Xhafajn duke publikuar fakte, por jo ti shndërroj në kauzë. Kauza e vetme që nga viti 2013 është dhe ka mbetur, ikja e Edi Ramës një orë e më parë, për të shpëtuar, jo PD por Shqipëria.

Nuk mund ta bësh kauzë një njeri, qoftë ky edhe ministër, madje edhe kryesues i Reformës në Drejtësi, që i lejon një trafikanti droge, në kundërshtim me Ligjet për ekstradim që i ka hartua me dorën e tij, të kaloj  në Aeroportin e vetëm shqiptar “Nënë Tereza”, edhe pse person në kërkim, me arsyetimin se po shkon të dorëzohet në burgun e Italisë. Jo, ky vend që Edi Rama mendon se është i gatshëm të hap negociatat me BE, ka Ligje që i përgjigjen të gjithë trafikantëve të drogës, qofshin ata edhe vëllezër të Fatmirit ose Saimirit.

Nëse Edi Rama mendon se Xhafaj nuk duhet të ikë vetëm pse ka vëllain e akuzuar për trafik droge, dhe këtë e mbështetë, mazhoranca e tij, kjo lë vend për tu diskutuar; Por që Xhafaj mund të lejoj cilin do trafikant të kaloj lirshëm në aeroport edhe pse person në kërkim, vetëm pse është vëllau i ministrit të Brendshëm, kjo nuk ka vend për diskutim. Fatmir Xhafaj duhet të ikë menjëherë! Këtu mbyllen të gjitha diskutimet, si ato për rrëfimet e shokëve të Gonit për të cilat fletë opozita, ashtu edhe akuzat e kazanëve të Edi Ramës për njerëzit e inkriminuar që rrëfejnë të kaluarën e Gonit, Geronit apo Agronit.

Këtu opozita nuk duhet të diskutoj fare largimin e tij, largimi i tij duhet të jetë një akt pa kompromis për të cilën ithtarët e opozitës nuk kanë pse të diskutojnë, dhe kjo nuk duhet të dal jashtë mureve të Parlamentit të Shqipërisë.

Nëse bënë gabim, dhe organizon protestë për të larguar tashmë kriminelin Fatmir Xhafaj, pas krimit që realizoi në Aeroportin “Nënë Tereza”, atëherë as si kauzë nuk ka më kuptim. Mund të ndodhë që vetëm pak minuta para protestës, ky i çmenduri që të gjithë i çmendi, ti jap urdhër Xhafajt të jap dorëheqje.

Çfarë ngelet për ti thënë protestuesve: Shfaqja mbaroi! Apo rradhën e ka Edi Rama…

Jo, Edi Rama e kishte rradhën që në vitin 2001. Ai nuk ka rradhë, ai e ka shkatërruar këtë vend dhe tashmë si të tillë po e dorëzon në duart e krimit i cili nuk ka më nevojë për terren krimi por për pastrimin e parave të Bursës evropiane të drogës, të cilën e lejoi vetë Rama.

Nëse Edi Rama mendon se duhet të besojmë që është rastësi që shefat e policisë së Saimirit edhe mund të jenë menaxherë të mbjelljes dhe trafikut të drogës, këtë ai le t’ja rrëfen me telefon ose përgjues shokut Taulant dhe shpurrës së tij; Nëse Edi Rama mendon se duhet të besojmë që është rastësi që radarët nuk na paskan punuar kur Habilajt me Saimirin trafikonin drogë, këtë le të vazhdoj e t’ja rrëfej me telefon ose përgjues shoqes Mrika.

Por askush mbi tokën shqiptare, e sot as Merkel dhe Macron, në Gjermani dhe Francë, nuk mendojnë se mund të mashtrohen më nga një piktor ordiner me atlete që jetëzon piramida të kriminelëve shqiptarë.

Ky kryeministër i skaduar, jo vetëm që duhet të ikë sepse ai tashmë quhet i ikur por opozita duhet të ndaloj promovimin e “gazetarëve trima” që nuk dihet se për llogari të kujt trazojnë konferencat për shtyp ose investigojnë kriminelët kur ata kanë vendimi gjyqësore,  dhe duhet ti premtoj këtij populli të stërvuajtur se pas ikjes së Xhafajt, para ligjit do të përgjigen edhe e gjithë shpurra e Edi Ramës, nga Vlora në Londër…