Dokumenti/ RTS: Kosova në Deklaratën e Sofjes me fusnotë

Liderët e Bashkimit Evropian dhe shtetet anëtare me partnerët e Ballkanit Perëndimor, në Samitin e Sofjes, ku morën pjesë edhe përfaqësuesit e Kosovës, miratuan Deklaratën dhe Aneksin ku Kosova përmendet me fusnotë.
Ky është lajmi qendror i Televizonit publik të Serbisë, RTS, i cili bënë publik edhe pjesën e Deklaratës ose më saktë njërën nga pikat e Aneksit (Mbështetje pajtimit dhe marrëdhënieve të mira fqinjësore në Ballkanin Perëndimor) ku shkruan: “mbështetet lufta kundër pandëshkueshmërisë përmes mbështetjes së Mekanizmit për Gjykatat Ndërkombëtare Penale dhe Gjykatës Speciale për krime lufte në Kosovë*, përmes EULEX.”

Ndryshe, sqarimi për fusnotë është: “Ky emërtim nuk ndikon në qëndrimin për statusin në përputhje me Rezolutën 1244/1999 KS OKB dhe mendimin e Gjykatës Ndërkombëtare të Drejtësisë për Deklaratën e Kosovës për pavarësi”.