EURO 2024, sot përmbyllet gara për çerekfinale me përballjen Austri-Turqi

Dita e fundit e garës për çerekfinale të Kampionatit Europian të Futbollit nis në orën 18:00 me përballjen në mes të Holandës dhe Rumanisë dhe përmbyllet në orën 21:00 në Leipzig, ku Austria me Turqinë vendosin nëse do ti qëndrojnë besnik traditës!

Rumania përballë Holandës nuk ishte parashikuar nga askush në momentin kur nisi Kampionati Evropian i Futbollit, por, sot, pas renditjes së kombëtares rumune si e para në grup, kjo ndeshje pritet të jetë dhe më e mira e garës për çerekfinale ndonëse kombëtarja holandeze mezi arriti ta vazhdoj garën duke u rendit e treta në grup.

Kjo përballje në Munich do të jetë e para pas shtatë viteve, kur në një ndeshje miqësore në Bukuresht, Holanda triumfoi me rezultat bindës 3:0.

Përballja e orës 21:00 në mes të Austrisë dhe Turqisë do ta përmbyllë këtë garë për çerekfinalen në EURO 2024 me kombëtaren austriake e cila vjen nga gara e Grupit D ku u rendit para Francës dhe Holandës, me kombëtaren turke që u rendit e dyta në Grupin F, por që vetëm para tre muajsh e pak ditëve pësoi humbje në Vjenë me rivalin e sotëm me rezultat të thellë 6:1.

Austria ka një traditë modeste të pjesëmarrjes në Kampionat Evropian të Futbollit. Pjesëmarrja në Gjermani është e katërta në histori por me dëshirën e madhe ta bëjnë një hap para në krahasim me kampionatin e tre viteve më parë kur përfunduan garën në çerekfinale, që ishte dhe rezultati më i mirë kur pësoi humbje nga kampioni i fundit, Italia.

Por, sot, sërish kanë përballë italian dhe ai është trajneri i Turqisë, Vincenzo Montella, i cili me performancën e kombëtares turke në këtë Kampionat Evropian të Futbollit tregoi se përveç lojtarit, e bënë shkëlqyeshëm edhe trajnerin shumë të mirë!