Fale dhe Harrove! Erdhi dita e gjykimit!
nga Agim Popoci
Fushata për zgjedhjet e 11 Majit sapo ka filluar dhe zogjtë e thiut Enver Hoxha ndonëse në pushtet po shfaqin shqetësim vetëm pse e kuptuan se po ju cenohet leja për të shkuar në kanalin e pushtetit; Aty ku për 80 vjet u bënë pis dhe kullufitën çdo gjë që ju deshi qejfi, thithën marijuanë dhe kokainë, pinë Romanée Conti dhe Whiskey, dhe gjithçka tjetër që kërkonte krimi dhe gjaku i derdhur i shqiptarëve të pabindur deri më sot, kur janë të përmbytur në para!
Shqiptarët tjerë, që u ishte thënë në fillimvitet nëntëdhjetë “fal por mos harro” gjysmë shekulli vuajtje, sot po shohin një realitet të çuditshëm ndonëse nuk u ngrit as me llaç e as me tulla, por, vetëm nga falja e tyre; Që lejon kthimin e kësaj race të fëlliqur komuniste për të sunduar, aty ku e kishin lënë etërit e tyre!
Dhe, pikërisht ashtu siç ju ishte thënë se ra busti i Enver Hoxhës, erdhi pluralizmi dhe momenti i tyre për të qenë të lirë dhe jo më të përndjekur politik, të falin e të mos harrojnë, sot u thuhet se duhet ta dëgjojnë një Zog Thiu me thonj të paprerë, i cili pasi i la pa bukë e pa ujë, shpi, katandi dhe fëmijë, se është ai dhe vetëm ai që do i fusë në Bashkimin Evropian.
Sot, kur ky lloj shqiptari përveç se ka fal edhe ka harruar, nuk përballet vetëm me këtë Zog Thiu dhe pa një të ardhme, por me një fermë gjakpirësish të këtij soji që i akuzojnë për 14 vjet se janë ata që kanë vrarë katër protestues në Bulevardin e Tiranës, dhe, ndonëse folën gardistët e tyre komunistë dhe gjykata, përsërisin në zë, fajet i ka Saliu!
Po, janë po këta kriminelë komunistë që burgosën 34.135 shqiptarë dhe i dënuan për arsye politike, 984 prej të cilëve vdiqën në burgje; Internuan 59.009 shqiptarë në kampe përqendrimi, 7.022 prej të cilëve nuk përballuan trajtimin çnjerëzor dhe u shuan; Ndërkohë 6.027 persona i vranë! Dhe, për këto krime lëshojnë kumtin se duhet të falen!
Filozofi i njohur francez François Marie Arouet i njohur me emrin letrar Voltaire, shkroi mbi tolerancën fetare, moralin, politikën dhe filozofinë, por që ishte i qartë për faljen e krimit, gjë që i vlen çdo të përndjekuri politik shqiptarë dhe jo vetëm, që tashmë e ka jetësuar këtë postulat:
“Ai që fal një krim bëhet bashkëpunëtor në të!”
Sot, si bashkëpunëtor në krim, shqiptarët që i mbijetuan terrorit komunist duke u bindur ndër vite nga propaganda komuniste se “fajet i ka Saliu”, ishin ata vetë që falën, harruan, madje një pjesë e mirë e tyre e pranoi dhe punësimin nga komunistët si mjet kusuri për krimet e përjetuara, tashmë përballen edhe me kërkesën që ti votojnë ata që nuk dinë më se çfarë të bëjnë përveç se vrasjes, përndjekjes politike, plaçkitjes së pronës, kanabizimit dhe shpopullimit të Shqipërisë!
Sot, kur i falën të gjithë këto krime dhe bijtë dhe bijat e këtyre kriminelëve po i përdhunojnë, kur harruan çdo krim të baballarëve të tyre dhe pasardhësit e tyre po i lënë edhe pa bukë duke i kërcënuar me uri nëse nuk votojnë për partinë e trashëgimtarëve të tyre, kjo racë e fëlliqur komuniste ju jep vetëm një alternativë, të mbyllin sytë dhe të votojnë partinë më kriminale në Evropë, Partinë Socialiste dhe Zogun e Thiut, Edi Rama!
Pse falën dhe harruan shqiptarët nuk mund ta gjykojnë veten e tyre sepse është shumë vonë, por, më 11 Maj e kanë në dorë të gjykojnë të gjithë ata që u rritën në errësirë dhe ju shkaktuan aq shumë dhimbje dhe i detyruan të falin dhe harrojnë, sepse ata thjeshtë nuk duan të jetojnë as sot në dritë! Këtë realitet të trishtë, askush më mirë se Platoni nuk e sqaron ndonëse është thënë shumë kohë më parë:
“Ne mund ta falim lehtësisht një fëmijë që ka frikë nga errësira. Tragjedia e vërtetë janë njerëzit që kanë frikë nga drita.”
