(FOTO) Batrovci, Policia e Serbisë arreston 3 kosovarë me 43 kg marijuanë

Policia e Serbisë ka arrestuar tre shtetas nga Kosova me 43 kilogram marijuanë në vendkalimin kufitar, Batrovci. Kështu bënë të ditur sot Ministria e Punëve të Brendshme e Serbisë duke saktësuar se droga ishte gjetur në një autobus, në hapsirën boshe para bagazhit, të paketuar në 40 pako me peshë 42 kilogram e 800 gram.

Policia ka arrestuar shoferët e autobusit S.M. (30), I.M. (63), A.F.(60) të cilëve u është caktuar masa e ndalimit prej 48 orëve, dhe janë dërguar pranë Prokurorit të lartë në Sremska Mitrovicë, për shkak të dyshimit të bazuar  se kanë kryer veprën penale të prodhimit të paligjshëm dhe tregtimit të lëndëve narkotike.