Fundi i Katovicës! Radhën e ka Sigurimi

nga Agim Popoci

Në një botë normale shqiptare që u lejohej të frymojnë edhe ca megalomanë e sigurimsa nëpër këmbë edhe me rënien e komunizmit, shpikja e Sigurimit nga ’97-a “Katovica” nuk do të kishte zënë vend pavarësisht se çfarë shkruhej në atë “dokument” ndonëse ndërsehej nga politika, vetëm për faktin se ishte zyrtarizuar Trekëndshi i Weimarit!

Por, shqiptarët filluan ndërtimin e shtetit postkomunist me lirinë që iu servir nga Perëndimi, pa spastruar tokën e përmbytur me gjak ku filloi ngritja e themeleve të këtij shteti të ri si në gjithë Evropën, pa e kthyer në jetën normale të përndjekurin politik nga diktatura, dhe, pa i kthyer pronën të zotit që i ishte tjetërsuar nga krimineli Enver Hoxha!

Pesë vjet eufori dhe liri të pushtetit antikomunistë pa shumë sigurimsa që u larguan në Perëndim dhe kryesisht në SHBA, në emër të rrezikimit të jetës për shkak të shërbimit në sistemin e diktaturës, dhe me Sigurimin që nuk po gjente mënyrë të tremb shqiptarin e ri që po krijohej në liri, ndërsa nga ana tjetër as të inkurajonte mbështetësit e PPSH që vazhdonin të ishin të trembur për krimin që kishin bërë në emër të Partisë, u goditën nga një dokument që u pranua shumë shpejtë nga populli që bashkëjetoi për 45 vjet me paragjykimin, “Katovica”!   

I gjykuar fillimisht si goditje ndaj liderit të PD, Sali Berisha, dokumenti filloi të besohet dhe zbërthehet pasi u konsiderua real fal paragjykimit të majasë komuniste që ishte hedhur kundër partisë në pushtet për pesë vjet, ndonëse ishte e qartë se nuk ishte shkruar në të kaluarën e aq më pak nga një kokë si e Ramiz Alisë; Ndryshe do ta shihte dritën e diellit që në zgjedhjet e para të jashtëzakonshme që i dhanë fitoren Partisë Demokratike!

Por, prej atyre që lexonin kishte nga ata që ua kishte qejfi ta quanin Sali Berishën si të dërguarin e Ramiz Alisë, të përndjekurit u magjepsen se si “Katovica” e kishte qëlluar në shenjë se ata do ta shanin komunizmin thuajse kishte dhe miliona ideologji tjera fajtore pse ata kishin mbetur pa familje, shpi e katandi, ndërkohë për pronarët, kokëboshët pa idenë e pronës që ishin si puna e Ramizit e besuan planin se do t’ju jepnin nga një letër pronarëve, por, pronën kurrë sa të jetë jeta; Pa i kuptuar detyrimet e shtetit, Gjykatën e Strasburgut dhe integrimin euroatlantik!

Propaganda ishte aq e madhe sa që askush nuk pyeti as pse në Katovicë dhe jo në Weimar, aty ku u themelua Trekëndëshi me qëllim të kalimit  të Polonisë nga komunizmi në shtet demokratik; Jo që duhet të angazhohen si në rastin polak ministri i jashtëm i Francës, Roland Dumas, dhe ai i Gjermanisë, Hans Dietrich Genscher, por, synimi të ishte po ai, siç pretendohet të merret sot si model edhe për Ukrainën!

Dhe, përveç kësaj, asnjë kokë e ftohtë, e paindoktrinuar dhe jovrasëtare nuk vuri në dyshim “Katovicën” për faktin se në krye të herës thuhej se komunizmi ka kapitulluar!

Kur ishte e qartë se komunizmi nuk kapitulloi në Shqipëri sepse nuk e luftoi njeri, ai thjeshtë falimentoi, e la popullin pa bukë, dhe nuk kishte më ndihmë nga askush! As këtë nuk e vuri njeri në dyshim, Trekëndshin e Weimarit, Gjermaninë dhe Francën, nuk e kujtoi njeri as në ditë urie, por, i morën të mirëqena broçkullat nga dokumenti i Ramiz Alisë që merrte meritat e nxjerrjes nga bataku i komunizmit, kur një gjë të tillë nuk e bëri asnjë shtet, as edhe Polonia një qytet me kulturë të lashtë dhe pa megalomanë të përmasave ballkanike!

Ndërsa kokëboshi Ramiz mendonte se “ata të përndjekur politik që do të pretendojnë, kundërshtojnë apo do të këmbëngulin, do të lëndohen ose do të ndëshkohen. Pasuria e tyre na përket Neve, sepse Ne e bëmë Materialin që më dërgoi Gorbaçovi dhe kam dy vjet që e studioj,” në shtetet tjera ku ra komunizmi, qytetarët filluan të vizitojnë kampet e përqendrimit për të kuptuar të vërtetat që i kishin dëgjuar për familjarët e tyre dhe regjimin, por që s’i kishin përjetuar!

Duke qenë jashtë realitetit, si lideri Ramiz ashtu dhe Partia e kokëboshit nuk e dinin as emrin e ri të partisë tre sekonda para se të propozohej; Dhe, ky analfabet komunist merr guximin flet për dokumente si “Katovica” pa e kuptuar se në këtë botë përveç Fatos Nanos që e njihte mirë ashtu si dhe Skender Gjinushin e Gramoz Ruçin, ka dhe Edi Ramë, Belinda Balluk, Ogerta Manastirli, Lali Er e madje dhe Plarent Ndrecë që nuk ia kanë ngenë të presin të pasurohen ashtu siç e mendonte ai me katovicën e tij!

Këtu dhe “Katovica” ngeli pa frymë, pra, pa prona dhe pasuri, dhe nuk pati reanimacion ta ndihmonte kur klika e Edi Ramës erdhi në pushtet; Dhe, broçkullat gorbaçoviane me të përndjekur politik dhe pronar, nuk i duheshin më njeriu në  Shqipërinë e Edi Ramës, ku Saliu jo vetëm që nuk është më “i partisë tonë” siç e propagandonte “Katovica” sa herë që ai ishte në pushtet, por, përfundoi në pranga!

Dhe jo vetëm kaq! Edhe ai i dashuri i kokëboshit Ramiz, Ilir Meta, më nuk ka  shanse ta ndaj pasurinë me bashkëpartiakët e Ramiz Alisë dhe fëmijët e tyre deri sa të ketë SPAK, e sa për grykën e pushkës, “Katovica” e parashikon, por nuk e pa njeri nga viti i zi 1997!   

Në fund, ata që duhej të bënte Partia Demokratike me “Katovicën” e bëri Edi Rama; Shtrëngoi radhët, me 21 Janarin nuk la që mbështetësit e tij të dekurajohen nga situatat e vështira që po kalonin komunistët, dhe strukturat e Sigurimit të Shtetit së bashku me bijtë e kundërshtarëve të Enver Hoxhës dhe Ramiz Alisë, i mobilizoi kundër “Katovicës” duke mos lënë mëdyshje pse po e marrin pushtetin!    

Sot, kapitalistë dhe pronarë nuk janë partia e Ramizit dhe njerëzit e saj, por Edi Rama dhe njerëzit e tij, ndërsa lidhjet e Ramiz Alisë dhe Enver Hoxhës, Edi Ramës nuk i hyjnë në punë!

Nga Vietnami në Tepelenë, vetëm lidhjet e forta mundësuan kanabizimin me sukses të tokës shqiptare, që Edi Ramës i shërbyen për rritjen ekonomike; Dhe, nga Ekuadori në Xibrakë për të kompensuar me kokainë fondet që mungojnë! Nga Zimbabveja në Fier, ishin lidhjet e gjakut që mundësuan realizimin me sukses të projektit të inceneratorëve, për t’u festuar më pas nga Vjena në Zurich! Për të mos harruar në fund lidhjen e fortë të Serbisë mëmë, Alabaarin e famshëm të Aleksandar Vuçiçit nga Beogradi në ujë deri në Portin e Durrësit me pallate në ajr dhe qindra milionë që derdhen në llogarinë e kompanisë arabe që premton!

E shumicën e kundërshtarëve politik që “Katovica” aq shumë e kishte komplikuar ti luftojë, Edi Rama i detyroi të largohen nga Shqipëria, ndërsa kundërshtarët politik të Saliut nuk po i nxit njeri, por, Rama po i financon për të krijuar parti sa të duan, të majta, të djathta e të qendrës, që gjithsesi kontrollohen nga një dhe i vetmi: Edvin Kristaq Rama!

Kështu produktit kriminal të Sigurimit “Katovica” i erdhi fundi ndërsa Edi Rama me ushtrinë e tij të rilindjes po përgatitë dhe aktin e fundit: Pushtetin Pa Sigurimin e Shtetit! Por, për dallim nga Ramiz Alia dhe “Katovica”, Sigurimi është një hap para dhe bijtë e saj nuk ia besoi partisë por Edi Ramës, pak rëndësi ka nëse do të quhen sigurimsa apo patronazhistë!