Fundjavë me surprizat e motit. Nesër ditë plazhi…

Sot moti mbetet me kthjellime dhe vranësira të shpeshta duke sjellë shira të përkohshëm në Veri dhe Qendër. Edhe pasditja vijon në të njëjtat kushte atmosferike ku shira të përkohshëm mbeten prezent në Veri dhe pjesërisht në Qendër.

Sipas MeteoAlb, temperaturat e ajrit rriten me të paktën 2°C gjatë mëngjesit dhe mesditës duke shënuar mbi 31°C.

Era do të fryjë mesatare por më e fortë në Jug, me shpejtësi 40 km/h nga drejtimi Juglindor duke krijuar në det dallgëzim mbi 2 ballë

Ndërkohë nesër mund të bëheni gati për plazh! Temperaturat maksimale në rang vendi do të shkojnë mbi 30 °C. Moti parashikohet kryesisht me kthjellime pjesën e parë të ditës, ndërsa pasdite priten reshje shiu në disa zona të vendit.

Era do të jetë me drejtim Jugperëndim (SW) me shpejtësi 6 m/sek në bregdet. Valëzimi do të jetë i forcës 2 me lartësi vale 0,2 deri në 0,5 metër në det të hapur. Temperaturat do të jenë me rritje.

Temperaturat minimale dhe maksimale

Zonat malore – 12/29°C;

Zonat e ulëta – 16/32°C;

Zonat bregdetare – 16/31°C