Hahn përgënjeshtron Ramën: Nuk kemi vendosur për hapjen e negociatave, ja çdo të ndodhë në 2019

Komisioneri për Zgjerimin, Johannes Hahn, do të vizitojë Tiranën, javën e ardhshme. Hahn ka pohuar nga Londra, ku po mbahet Samiti i BE-së për Ballkanin Perëndimor, për një tur ballkanik që do të nisë në Shkup, lidhur me sqarimin e hapave të mëtejshëm të integrimit.

“Ne nuk kemi vendosur hapjen e negociatave.  Vitin tjetër do të vlerësohet ecuria e këtyre vendeve, Shqipërisë dhe Maqedonisë”, tha Hahn.

Në këtë mënyrë duket se Komisioneri për Zgjerimin ka përgënjeshtruar deklaratat zyrtare të qeverisë Rama, sipas të cilës negociatat me BE do të hapen në qershor të 2019, ndërkohë që në këtë periudhë do të ketë një vlerësim mbi kushtet e përmbushura.