Vetingu për gjyqtarin Thanza/ DSIK: Ka kontakte me persona të përfshirë në krimin e organizuar. Ja reagimet…
Komisioni i Pavarur të Kualifikimit ka nisur seancën ndaj gjyqtarit Admir Thanza, i cili shoqërohej nga avokati i tij, Theodhori Sollaku.
Ai zotëron një pasuri familjare me vlerë rreth 50.5 milionë lekë, ndërkohë që të ardhurat kryesore rrjedhin nga aktiviteti i bashkëshortes si notere.
“Në lidhje me kontrollin e figurës, DSIK ka nxjerrë se subjekti nuk ka deklaruar procedim penal për nenet 244 dhe 249 çështje e pushuar në vitin 2016. Ka kontakte të papërshtatshme me persona të përfshirë në krimin e organizuar. Ai e ka fshehur këtë fakt. DSIK konstaton papershtatshmëri për vazhdimin e detyrës. Por KPK e rrëzon raportin në pjesen e kontakteve të papërshtatshme si jo të bazuar në prova”, tha KPK.
Në seancë u fol edhe për një hetim ndaj gjyqtarit nga Prokuroria e Përgjithshme për korrupsion. Ky hetim është mbyllur në 2016.
Avokati i gjyqtarit, Theodhori Sollaku duke folur mbi pretendimet e DSIK-së tha se për kontaktet kriminale, bëhet fjalë peër një kontakt me nje person që ka qenë mik shtëpie 20 vjet.
“ Ai ishte në proces penal, fillon çështja pa asnjë fakt dhe pa asnjë provë mbi bashkëshorten e personit që po hetohej dhe ajo takohet në Tiranë me bashkeshorten e gjyqtarit dhe pasi pinë kafe ajo nxjerr portofolin dhe paguan dhe kjo ështeë marrë si korrupsion. Për këtë rast nisi hetim Prokuroria e Përgjithshme dhe hetimet u pushuan më pas edhe për mikun e familjes edhe për gjyqtarin”, sqaroi avokati.
