Vrasja e shqiptarit në Londër, arrestohet edhe një 20-vjeçar…

Policia Metropolitane ka arrestuar një tjetër person lidhur me vrasjen e shqiptarit Edmond Jonuzi në Londër.

35-vjeçari, vdiq më 9 Qershor pasi u qëllua disa herë me thikë. Ai u shpall i vdekur në vendin e ngjarjes, në stacionin e metrosë Turnpike Lane në veri të Londrës.

I arrestuari është një 20 vjeçar, identiteti i të cilit nuk bëhet publik. Sipas BBC, numri i të dyshaurve të tjerë të përfshirë në krim ka shkuar në 4.

Jonuzi jetonte në Londër. Ekspertët mjekoligjorë pas autopsisë dolën në konkluzionin se 35-vjeçari humbi jetën për shkak të goditjeve me thikë.

Dyshimet e para ishin se Jonuzi u vra pas një sherri mes dy grupeve rivale, por hetimet që po kryhen nga detektivët e Komandës së Vrasjeve dhe Krimeve të Rënda në policinë e kryeqytetit britanik nuk kanë arritur akoma në një përfundim të saktë se kush ka qenë arsyeja që vdiq 35-vjeçari.