Hapet baza ajrore Kuçovë, Komandanti QKO Ajrore të NATO: Shqipipëria e gatshme të marrë më shumë përgjegjësi!

Shqipëria është e gatshme që të marrë më shumë përgjegjësi për të mbrojtur sigurinë e paqen, tha sot Komandanti i Qendrës së Kombinuar të Operacionit Ajror të NATO-s në Bazën Ajrore të Spanjës, Gjeneral Lejtnant Pablo Sánchez de Lara, në ceremoninë e inaugirmit të bazës së re ajrore të NATO-s në Kuçovë, duke konfirmuar angazhimin e Aleancës në Ballkanin Perëndimor.

“Përurimi i bazës ajrore të Kuçovës dëshmon se aleanca jonë me një qasje 360 gradëshe është e angazhuar mjaft në këtë rajon dhe si koalicion ne marrim në konsideratë angazhimet e Shqipërisë për sigurinë e NATO-s si e tërë,” tha Komandanti i Qendrës së Kombinuar të Operacionit Ajror të NATO-s në Bazën Ajrore të Spanjës, Gjeneral Lejtnan Pablo Sánchez de Lara, duke përfunduar:

“Nëse hedhim sytë rreth nesh, nëse hedhim sytë kësaj baze të re është e dukshme se Shqipëria është më shumë se sa kurrë e gatshme që të marrë më shumë përgjegjësi për të mbrojtur sigurinë e paqen mes të tjerash edhe prej këtij vendi.”

Ndërkohë me inaugurimin e bazës ajrore të NATO-s në Kuçovë ka reaguar edhe Presidentja e Kosovës, Vjosa Osmani, e konsideruar një hap të rëndësishëm në forcimin e pranisë së Aleancës së Atlantikut Verior në Ballkanin Perëndimor.

“Hapja e Bazës Taktike Ajrore të NATO-s në Kuçovë, Shqipëri, shënon një hap të rëndësishëm në forcimin e pranisë së Aleancës në Ballkanin Perëndimor, duke kontribuar në rritjen e sigurisë në rajonin tonë dhe më gjerë,” shprehet Vjosa Osmani përmes rrjetit social X duke pëfunduar:

“Ku ka NATO, ka paqe dhe stabilitet!”