Hapet baza ajrore Kuçovë, PD: Ngjarje e rëndësishme për sigurinë e vendit dhe Aleancës!

Pas inaugurimit të bazës së re ajrore të NATO-s në Kuçovë ka reaguar Partia Demokratike duke e konsideruar si ngjarje të rëndësishme për sigurinë e vendit dhe Aleancës së Atlantikut të Veriut.

“Sot u inaugurua në Kuçovë, pas rikonstruksionit të Aeroportit, baza ajrore e NATO-s në Shqipëri. Partia Demokratike, si forca politike e parë në Europën ish-komuniste që kërkoi anëtarësimin e vendit në NATO dhe që 15 vjet më parë me reforma të thella dhe të shumëanshme antarësoi Shqipërinë në NATO, përshëndet këtë ngjarje të rëndësishme për sigurinë e vendit dhe Aleancës së Atlantikut të Veriut,” shprehet Partia Demokratike përmes një deklarate duke garantuar respektimin e të gjitha detyrimeve politike dhe ushtarake të Shqipërisë ndërsa përfundon:

“Partia Demokratike garanton NATO-n se ajo sot dhe në të ardhmen mbështet pa rezerva bashkëpunimin me Aleancën e Atlantikut të Veriut dhe mbetet e vendosur në respektimin e të gjitha detyrimeve politike dhe ushtarake të Shqipërisë ndaj saj.”