Himara, manual për fitoren e PD!
nga Agim Popoci
Deti Jon nuk po qetësohet dot nga marrëzitë që nxjerrin nga goja shqiptarët pas një gare të pistë greko-greke në zgjedhjet për Kryetarin e Bashkisë Himarë, duke trumbetuar dhe humbjen e madhe të Sali Berishës!
Edi Rama mund të krenohet se shkel me të dyja këmbët Vlorën sa herë t’ia do kokrra e qejfit, dhe Qytetit të Flamurit herë i emëron për Prefekt herë një grek Dropulli e herë Finiqi, ndërsa për të bindur Bregun se kush është zot shtëpie, i fut në burg kryetarin e zgjedhur të Himarës, Fredi Belerin, dhe merr një katunar Dropulli dhe e ul në fronin e Kryetarit të Bashkisë Himarë, sepse vërtetë kështu ndodhi!
Por, ky është Edi Rama, që vjedh vota dhe manipulon zgjedhje, marifete të cilat nga zgjedhjet e 4 Gushtit në Himarë duhet të shërbejnë si manual se si mund të fitohen zgjedhjet përballë të plotëfuqishmit të Shqipërisë, kur ai vetë e bënë të qartë se kur ai vendos, Vangjel Tavo humbet zgjedhjet duke u ankuar se gjendja civile i ka ndryshuar vendin e votimit nga vendlindja e tij Dropull së bashku me 300 të tjerë; Dhe, fiton zgjedhjet edhe kur nuk ankohet, por, vullnetarisht së bashku me 300 sejmenë grekë ndryshon vendin e votimit nga vendlindja në Dropull!
Fillimisht Partia Demokratike duhet të bëjë një analizë të elektoratit dhe të mos shpenzon energji pa lidhje si në Himarë duke kandiduar njerëz që as nuk banojnë në zonë, faturë kjo shumë e rëndë për çdo shqiptarë që sot sakrifikon shumë dhe jeton në Shqipërinë e shkatërruar nga Edi Rama! Dhe, të mos shpërfill çamët në emër të interesave të aleatëve, duke fshirë memorien e Partisë Demokratike me gjithë sakrificat që bënë çamët për ngritjen dhe arritjen e PD-së në pushtet, para dhe pas rigrupimit në partinë e tyre PDIU!
Po, për arritjen e fitores për Partinë Demokratike janë shumë të rëndësishëm Aleatët, por, asnjëri prej tyre nuk është i rëndësishëm më shumë se vetë PD; Është koha e kthesës, që Partia Demokratike të mos sakrifikoi, siç bëri historikisht, sepse asnjëra prej partive aleate nuk u rrit në elektorat ashtu siç u rritën kërkesat e tyre ndër vite!
Premtimet me ujë dhe rrugë janë gjërat më idiote që mund të bëjë PD në fushatën për zgjedhjet e vitit 2025, nëse mendon ti fitoj zgjedhjet!
Himara si shembull i përsëritur nga zgjedhjet e vitit 2007 kur Qeveria Berisha asfaltoi rrugën e Bregut dhe pësoi humbje të thellë, dhe shembull për psikologë dhe sociologë ku më 4 Gusht 2024 Partia Socialiste merr vota nga banorët që nuk kanë ujë as 60 minuta edhe pas 11 viteve në pushtet ndonëse shohin oligarkun e Edi Ramës në Palas se si furnizon kompleksin e tij turistik me ujë nga Kuçi, tregon se sa e orienton votën e këtij populli të indoktrinuar nga komunizmi, një premtim kaq banal!
Ti premtosh një elektorati si në Kuç, Vranisht, Kudhës, Ilias ose Çorraj, ujë e rrugë, është si ti mbyllësh kutitë e votimit ende pa u hapur!
Ky lloj mileti do ujë, rrugë e tunel për Samir Manen, dhe voton partinë me në krye të birin e Kristaqit edhe pse nuk ka as 1 orë të vetme ujë në shtëpinë e tij! Përrallat me Pilur e Qeparo le ti shërbejnë polifonisë por jo dhe strategjisë së një fitoreje në një zonë ku banorët nuk janë të interesuar për mirëqenie sepse kënaqësinë e vetme e ndjejnë kur shajnë Saliun!
Le ta shajnë, mos ja privoni këtë kënaqësi as Nivicës dhe as Shën Vasilit, madje duhet pasur kujdes nga tundimi edhe në ndonjë zonë si Vunoi, kur janë malok po aq sa Sali Berisha!
Është Lukova, shembulli konkret se si mund të fitoheshin zgjedhjet e 4 Gushtit 2024 dhe si mund të fitohen ato të vitit 2025; Së pari duhet të analizohet lista e votuesve!
Drejtuesit e Partisë Demokratike duhet ta kenë të qartë se shumë Kode Zgjedhore mund të ndryshojnë me rivalët e tyre politik pa e pyetur elektoratin, por, votuesin me bindje të djathta nuk e ndryshojnë dot; Gabimi me mostrajtimin e Borshit i kompleksoj të gjithë në PD pas humbjes së vitit 2013, por, zgjedhjet që pasuan e konfirmuan se nuk është thjeshtë mosshtrimi i një copë bulevardi, sepse raste të ngjashme janë pa fund, por, A-ja dhe ZH-ja e fitores është emri i kandidatit dhe çfarë ai përfaqëson!
I rëndësishëm, padyshim, ishte dhe duhet të jetë respektimi i bashkëautorësisë në përzgjedhjen e kandidatit deri në kërkesat e tyre, jo vetëm për shkak të bashkëjetesës aktuale shumë të vështirë me terrorin shtetëror!
Pse Himara i tha jo komunistit Edi Rama! Nuk ishte as Beleri dhe as Gjikuria, por, gjurmët që lanë komunistët shqiptarë, xhepi i grisur i himariotëve nga Edi Rama me 40 hajdutët e tij, futja në shtëpi, vjedhja e pronave, dhe të vetmen mundësi që iu la, pamja nga Resorti i Samir Manes!
Pra, i gjithë pisllëku komunistë për vite me radhë mund të digjet nga heqja dorë e favoreve që mund ti ofroj politikës një oligark si ky i mitrës së Ridvan Bodes që llahtarisi gjithë Bregun! Por, kjo formulë duhet të shërbej si në Shkodër, Tiranë, Durrës, Elbasan, Berat, Fier, Korçë e Vlorë, ku të dërguarit e bizneseve të Edi Ramës bëjnë ligjin pavarësisht se i bihet në qafë kot policisë dhe SPAK-ut që sot në sistemin e kriminalizuar të Shqipërisë shërbejnë vetëm si aksesor për realizimin e qëllimeve!
E vëmendshme PD duhet të jetë edhe ndaj KQZ-së në mënyrë që të mos shpenzoj energji kot, dhe ta shfrytëzoj si tribunë ku duhet ngritë zëri i së vërtetës dhe jo të ketë pritshmëri se Ilirian Celibashi do të ndryshoj! Ai thjeshtë është komisari i asaj celule komuniste ku Edi Rama projekton si vulosjen e humbjes së rivalit politik, siç bëri dhe në Himarë.
Në fund, fitores së vitit 2025 do ti duhet dhe një risi e tipit KOP, jo për Orientimin e Politikave tashmë, por, për ngritjen e një organizmi për hartimin e strategjisë për rikthimin e trurit në Shqipëri! Dhe, këtë më mirë se Intelektualët në Diasporës nuk do të mund ta realizonte askush tjetër.
E gjitha kjo nismë, detyrimisht duhet të filloj me kurorëzimin e kandidatit të Partisë Demokratike për Kryeministër, një ekspert shqiptar që Shqipëria e Edi Ramës e detyroi të ikte nga sytë këmbët!
