Hovenier: Përkushtimi i SHBA-së ndaj popullit të Kosovës është i fuqishëm

Ambasadori i Shteteve të Bashkuara në Kosovë, Jeffrey Hovenier, tha se përkushtimi i SHBA-së ndaj popullit të Kosovës është i fuqishëm dhe i hekurt si gjithmonë.

Nuk është sekret, tha Ambasadori Hovenier, se Qeveria e Shteteve të Bashkuara ka disa shqetësime politike të cilat i ka bërë Qeveria Kurti.

“Nganjëherë ndjej se të gjithë dëshironi të jeni psikiatër. Asgjë më e re se që e kam thënë. Përkushtimi i SHBA-së ndaj popullit të Kosovës është i fuqishëm dhe i hekurt si gjithmonë. Edhe kjo është arsyeja pse jam këtu dhe po takohem me përfaqësues të komuniteteve për të mundësuar se çka mund të bëjë qeveria më shumë. Kemi qenë me popullin e Kosovë, jemi me popullin e Kosovës dhe do të jemi me popullin e Kosovës,” tha Ambasadori amerikan në Kosovë, Jeffrey Hovenier sot gjatë vizitës në Gjakovë.

Ambasadori i Shteteve të Bashkuara, Hovenier nga Gjakove ka folur për ligjet që janë miratuar së fundi nga Parlamenti i Kosovës, duke përfshirë edhe Ligjin për KPM-në dhe KPK-në. Qeveria amerikane, tha ai, këshillon Kosovën që ligjet që miratohen nga Parlamenti i Kosovës të jenë në përputhje me normat evropiane ndërsa përfundoi:

“Unë kam pasur rastin që të bisedojë me zyrtarët e qeverisë. Kuptoj që ka ndjenja të fuqishme nëse janë ligjet në përputhje me normat evropiane apo jo. Këshilla është që të sigurohen që çdo legjislacion të jetë në përputhje me normat evropiane, sepse ne natyrisht mendojmë që Kosova duhet të jetë anëtarë e BE-së, NATO-s, prandaj mendojmë që nuk është edhe shumë e mençur që ato organizata evropiane e kanë thënë që këto projektligje nuk janë në përputhje me normat evropiane.”