Humbja tragjike e Zv/ministrit/ Pas ekzaminimit, Prokurori: Tragjedia ka ndodhur jashtë pistës…

Pasi janë kryer të gjitha ekzaminimet e trupi i të ndjerit Arian Daci, Prokuroi i rastit, Burim Qerkini, duke folur në Brezovicë dha detajet se si ka ndodhur tragjedia, në të cilën ka humbur jetën Zv/ministri i Diasporës i Kosovës.

 “Janë kryer gjitha ekzaminimet tek trupi, për shkak të kushteve jo të mira atmosferike dhe tani gjendjes që jemi në mbrëmje, nuk kemi mundur te shkojmë në vendin e ngjarjes. Këto do të bëhen nesër nga një grup i hetuesve së bashku me forenzikën dhe kështu do të dihet realisht se çka ka ndodhur sot. Vdekja e të ndjerit ka ndodhur rreth orës 14:00 dhe i njëjti pas ardhjes këtu të forenzikës nga ana e Policisë rajonalë të Ferizajt është nisur për në Mjekësinë Ligjore në Prishtinë,” tha Prokurori Qerkini i cili kishte konstatuar se ngjarja ka ndodhur jashtë pistës së skive:

“Për shkak të këtyre hapave hetimor që duhet të ndërmerren, sot, nesër dhe pasnesër është mbyllur qendra e skijimit deri në një vendim tjetër. Rasti ka ndodhur jashtë pistës, në momentin kur janë lëshuar me skijim është lëshuar orteku dhe të ndjerin e ka zënë,” përfundoi Qerkini.