Unaza e Re/ Policia arreston protestuesin, protesta zhvendoset tek Komisariati

Edi Rama me pushtet në dorë vazhdon talljen me popullin shqiptar. Sot ai ka vazhduar me presionet dhe shantazhet ndaj banorëve tek Unaza e Re të prekur nga projekti Unaza e Madhe, të cilët vazhdojnë të protestojnë dhe kërkojnë anulimin e këtij projekti korruptiv.

Sot Policia ka shoqëruar në Komisariatin Nr. 2 njërin prej protestuesve te Unaza e Re, dhe arsyeja madje, sipas policisë nuk ka të bëjë as me protestën.

Në momentin kur Besnik Doçi po lyente shtëpinë e tij e cila është planifikuar të prishet në bazë të projektit korruptiv Unaza e Madhe, forcat e Komisariatit Nr. 2 i shkuan të shtëpinë dhe e arrestuan me arsyetimin “ndërtimit pa leje”.

Pas arrestimit të Besnik Doçit, qindra protestues të Unazës së Re marshuan drejt Komisariatit nr. 2 duke zhvendosur edhe protestën e radhës, ku dhe deklaruan se nuk largohen prej andej pa marrë me vete edhe Besnik Doçin.

Protestës para Komisaritit Nr.2 iu bashkuan edhe deputetë të Partisë Demokratike, të cilët që nga dita e parë së bashku me banorët e prekur ngaprojekti Unaza e Madhe kundërshtuan prishjen e shtëpive pa dëmshpërblim dhe ndërkohë publikuan edhe fakte për këtë project korruptiv i nisur pa projekt, për tu zbuluar më pas se kemi të bëjmë edhe me pjesëmarrje në tender me dokumente të falsifikuara.