I mjeri Zaho…

Deri sa opozita po protestonte para Drejtorisë së policisë në Tiranë kundër qeverisë kriminale të Edi Ramës, ekranet televizive po transmetonin projektin “Rijetëzimi i Piramidës”. Çmenduri të cilën vetëm një kryeministër i këtyre përmasave mund ta shpik, në kohën e gabuar dhe në vendin e gabuar. Kot që irritohen opozitarët me kryeministrin e tyre, kur për terrin mediatik që kishte urdhëruar ky i fundit, nuk janë fajtor vetëm ministrat trafikant të drogës.

Pandehur na del i biri i kryeministrit, ai i cili e frymëzoi dhe shkaktoi “Rijetëzimin e Piramidës”. Të paktën kështu thotë kryeministri Baba, i cili tashmë e ka bërë edhe zakon që, flet e flet dhe merr në gojë të birin, Zaho; Çudi që këtë nuk e kanë kapur këto organizmat ndërkombëtar që bëjnë raporte pa fund, për Lirinë e shprehjes dhe medias; Në kohët e lashta, kur kalifati i Edi Ramës shtrihej vetëm në Bashkinë e Tiranës, ai qahej se po i përgojojnë të birin. Gjërat kanë ndryshuar, dukshëm, në veçanti tek roli i medias në Shqipëri. Nuk flasin më për të birin e Edi Ramës, madje nuk e vrajnë më mendjen as për politikën editoriale. Për këtë kujdeset vetë dora e tij, Edi Rama!

E kujt i hynë në punë opozita që proteston, pse duhet ta transmetojnë?! Protestohet kundër Fatmir Xhafajt që ka vëllain trafikant droge dhe nuk e dorëzon para organeve të drejtësië; Saimir i shkretë nuk kishte as vëlla, dhe u detyrua të  trafikoj vetë drogë, dhe nuk u bë qiameti. Të dy të lirë janë, madje që të katërt, Saimiri, Agroni, Geroni dhe avokati i tyre Edi Rama!

Shyqyr që u bë kjo Refroma në Drejtësi dhe nuk kanë nevojë të flasin Gjykatat, flet vetëm kryeministri: “Nuk mund t’i flasë njerëzit në gojën e ujkut. Edhe 100 herë po të kthehej, 100 herë do të mbaja të njëjtin qëndrim. Jo për të mbrojtur njeriun tonë por për të respektuar Kushtetutën. Nuk kemi njerëz për të lëshuar në dorën e ujqërve. Dhe nuk kemi njerëz për t’i kërcitur dhëmbët organeve të drejtësisë,” thotë kryeministri duke mos gënjyer një herë të vetme. Po, vërtetë  nuk i kërcëiti njeri dhëmëbët organeve të drejtësisë por e baltosi deri në djepin ku kishte lindur kreu i Prokurorisë së Krimeve të Rënda. Ndoshta edhe nuk ka fajë ky Avokat i trafikantëve, ç’është ky shef i prokurorisë së Krimeve të Rënda që është tropojan, nuk është as trafikant droge. Bënë robi kështu, punon në sistemin e Drejtësisë së Edi Ramës dhe nuk trafikon drogë; Këtu fillon dhe mbaron vettingu! Jo për ti lënë vend të lirë njerëzve të Edi Ramës, por për të mos bërë telashe ujqërit; E ka thënë qartë qysh në KPD-n e filimshekullit, i madhi këtij vendi, nuk ka birë nëne as birë kurve… E rikujtoi sejmeni i tij pasi i i ndërpren vajtimin, që në mënyrë të dinjitetshme ta përfaqësoj qeverinë në Komisionin e Ligjeve, dhe më pas edhe në Gjykatën e kreut të saj, Edi Rama. E opozita proteston! Jo s’ka, STOP kamerave dhe TV-ve, ky vend duhet të “Rijetëzoj Piramidën”.

Ikën “7 xhuxhat”, shkuan në gojën e ujqërve, Edi Rama nuk duhet të mallkohet nga fëmijët, duhet ta kenë ata  Qendrën e tyre! Këtë e kuptoi i pari Lali Eri dhe duke pasur parasysh edhe rrethanat historike si u miratua ndërtimi i Piramidës, e kuroi mirë situatën dhe bëri që Xhaxhi Edit ti pëlqej. Ashtu siç i pëlqeu Ramiz Alisë kur u propozua kjo shëmtirë, vetëm disa muaj pas vdekjes së Enver Hoxhës, nga Sekretari i Komitetit Qendror të Partisë së Punës, Foto Çami.

“Besoj që projekti ka arritur të zgjidhë një pikë kyçe të sfidës që gjatë gjithë kësaj kohe nuk zgjidhej midis rilindjes së kësaj godine dhe funksionit të saj,” u shpreh Rama  duke sqaruar se pas shumë diskutimesh në fund erdhëm tek pika që kjo godinë duhet t’u shkonte atyre që kanë më pak në Tiranë, fëmijët dhe të rinjtë.

“Një ditë më merr Erjoni Veliaj me telefonon, ashtu siç më merr edhe për një pusetë edhe për një rrugë apo një kanal, më tha se u vendos që ky vend do i përkasë fëmijëve. Unë i thoja gjithmonë fëmijët fëmijët, kjo është më shumë merita e Zahos sesa e imja,” tha Rama në ceremoninë e prezantimit të projektit  “Rijetëzimi i Piramidës”.

I mjeri Zaho! Pse u ngatërrua ky në këtë projekt. Një ditë kur fëmijët do të fillojnë të luajnë poshtë e lartë, Zaho do të duhet të sqaroj se nga lindi kjo shëmtirë që i Ati i tij e transformoi në Qendër për fëmijë!

“Thuhet që ky muze do t’u shërbej komunistëve, punonjësve, ku mund të çmallen…ka diçka që nuk shkon” thoshte Ramiz Alia në Byronë Politike, para se të merrej vendimi për ndërtimin e kësaj piramide më 9 Shtator të vitit 1985, që për shumë vite do të quhet muze; mos ndoshta kishte menduar që do të vij një ditë Lali Eri dhe do të shtojë edhe fjalën “fëmijë”, do të lindë pyetja për të cilën Zaho do të ketë kujdes, një ditë kur ndoshta do të vazhdojë të ketë me vete kamerat që nuk qajnë kokën për opozitën  !

Lali Eri me Edi Ramën mund të bëjnë çudira nga Piramida, por Zaho si ideatori i Qendrës do të duhet të sqaroj se si e kishte ndërthur idenë e tij me atë të arkitektit shqiptar Klement Kolaneci, si projektues i muezut “Enver Hoxha“. Kolaneci kishte menduar të krijohet “një haspirë e brendshme qendrore, në qendër të së cilës do të vihet figura e shoku Enver; se forma arkitektonike inspiron diçka nga ideja e shqiponjës, e sintetizuar kjo në formë arkitektonike, jo shqiponjë me formë natyrale; që në krye të muzeut do të vendoset një yll I madh ndriques bashkë me emrin Enver, ku do të zë vend figura e shquar e shokut Enver…”

Zaho do ta ketë taksirat të sqaroj jo vetëm këtë kompleksitet por edhe pse ky Ramiz Alia kishte gjetë të arsyeshme që për vendimarrje ti rezervoj vendin Nexhmije Hoxhës dhe jo Edi Ramës; këtij pedagogu të rrallë të Akademisë së Arteve që studentet shkulnin flokët, e Parisi binte në delir!

“Për objektin do të gjykosh që këtej nga ura e Lanës,” thoshte Ramiz Alia në  Byron Politike para se ta miratont e vendimin për ndërtimine Piramidës dhe e shikonte maketin; si ideator i Qendrës mund ti bie rasti edhe Zahos që të gjykoj e patjetër që duhet edhe ta sqaroj.

Ashtu siç i ra sot opozitës të gjykoj nga Drejtoria e policisë ndërsa po protestonte; Gjykim i cili sot tmerroj opozitën, nesër pasardhësit e tyre patjetër që do të sqarohen se në Shqipëri sundonte një regjim kriminal i cili rijetëzoj edhe muezun e kriminelit më të madh shqiptar të të gjitha kohërave. Por do Zoti, të paktën jo me gojën e Zahos, të sqarohen pasardhësit  e këtyre që kriminaluzan vendin. Jo siç po ndodhë me pasardhësit e atyre që përgjakën këtë vend për gjysmë shekulli, dhe Piramidën e dikaktorit e jetëzojnë duke e bërë Piramidë për fëmijë…