Ia dolëm!
nga Agim Popoci
1 vit Pa Frikë! Kur u futëm në tregun mediatik para një viti, ishim koshient se nuk do ta kemi të lehtë meqë po futemi në një hapësirë të paprekur duke mbështetur Kryetarin e Partisë Demokratike, pavarësisht lëvizjeve politike dhe futjes apo devijimit rrugës të mediave të tjera në këtë hapësirë; Përballë asaj ku në një shtet të degjeneruar nga Edi Rama, gjithçka ishte nën kontrollin e Kryeministrit dhe tej mase e paguar, dhe ku në shënjestër të sulmeve ishte një dhe vetëm një, Lulzim Basha!
Dhe, duke respektuar moralin dhe traditën shqiptare, i bëmë të qartë atyre që filluan të na lexonin dhe jo vetëm, se në këtë portal Ju mund të lexoni dhe Ne të raportojmë Pa Frikë, por SHBA dhe Presidenti i saj nuk sulmohen, pavarësisht se kush është ndonëse u futëm në një treg mediatik shqiptar ku gjithçka kontrollohet nga armiku i demokracisë amerikane, George Soros!
Sa jemi Pa Frikë sot! U quajtëm të Lulzim Bashës, madje na ngushëllonin se e kemi të lehtë sepse na financon “Kunati”, por nuk u munduam ta bindim njeri se ai jo vetëm që nuk na financon me asnjë kokërr leku por ka refuzuar edhe të na ndihmoj; Paradoks ishte edhe për agjentët e kleringut të njërës prej kompanive më të fuqishme në Shqipëri kur na ofruan Plazma, Digitalb dhe Tring, dhe kur ne refuzuam një gjë të tillë duke kërkuar vetëm pagesë në këmbim të reklamës, habia e tyre ishte pse na duhen lekët kur e kemi të garantuar financimin nga ai që menaxhonte fondin e tyre të reklamave; Kjo ka shkaktuar edhe acarime ndër Ne në fillimet e saj kur shkrimet me Lulzim Bashën as që klikoheshin por vija konsekuente editoriale që ishte dhe do të vazhdoj të jetë deri sa të ekziston Pa Frikë, ka bërë që sot lajmet që kanë të bëjnë me Kryetarin e PD të jetë më të kilikuarat, pavarësisht shumë mediave që tashmë kanë filluar të nuhatin pushtetin dhe kanë lëvizur djathtas, për shkak të lëvizjeve opozitare.
I tillë ishte edhe rasti me lajmet që kishin të bëjnë me Presidentin e SHBA, Donald Trump. Sot mund të mburremi që lexuesi i lajmeve për Presidentin Trump na kërkon Ne, dhe vetëm te Pa Frikë e “qetësojnë shpirtin” ndonëse deri tek kjo ditë kemi kaluar ditë shumë të vështira. Deklaratat e përçudnuara të Ambasadës së SHBA në rastin më të keq nuk i kemi publikuar, për ato të opozitës kundër këtyre deklaratave ishim paksa më të qetë sepse nuk mund të publikonim kritika ndaj një deklarate që nuk e kishim botuar; Deklaratat e Ambasadës së SHBA pro Kryeministrit më kriminal në Evropë, Edi Rama, i kemi injoruar. Reformën në Drejtësi e kemi konsideruar dhe e konsiderojmë nën kujdesin e Departamentit të Shtetit ndonëse jetojmë në Shqipëri dhe konstatojmë shumë gjëra.
Suksesi jonë në këtë drejtim është se për një kohë shumë të shkurtër, ne e kemi filtruar lexuesin tonë, gjë që në opinionin publik shqiptar, për fat të keq, këtë nuk ka arriti ta bëjë politika e kësaj Ambasade, sot kur Ne na akuzojnë se jemi “më proamerikan se Ambasada e SHBA”, dhe Ne nuk e konsiderojmë akuzë por kompliment!
Sot, pas një viti, Ne jemi krenar që antiamerikanët na braktisën, na lanë të qetë kur e panë që edhe kursi jonë ndaj Kosovës dhe Izraelit është kursi që ka SHBA, ndërsa ngushëllimet që morëm kur ndërroi jetë Presidenti George H.W Bush na bënë krenar, jo vetëm pse shqiptarët ndanë dhimbjen me Ne, për humbjen e madhe të Familjes Bush!
Edukatori amerikan, autori dhe këshilltari i presidentëve të SHBA nga viti 1890-1915, Booker Taliaferro Washington thotë se “suksesi duhet të matet jo aq shumë me pozicionin në të cilin dikush ka arrit gjatë jetës së tij, por pengesave që është dashur ti kaloi.” Nëse respektojmë këtë postulat atëherë jemi padyshim më të mirët! Por, Jo; I madhi Boker Talaiferro Washington këtë e ka thënë për një vend normal dhe jo për një vend si Shqipëria, ku një ushtri huckerësh mbrojnë figurën e Kryeministrit dhe sulmojnë të gjithë ata që nuk kanë frikë të publikojnë qoftë edhe një argument për dështimin ose mossuksesin e Edi Ramës! Duhet pranuar se sulmi i parë kur arritën të na bllokojnë faqen tonë të internetit na shqetësoj. Telefonatat që filluan të vijnë na ngushëlluan paksa por oqeani i reagimeve pas rikthimit tonë në botën virtuale na frymëzoi edhe më shumë për rrugën që kemi përcaktuar dhe deri më sot rezulton e drejtë. Dhjetëra sulmet e tjera ishin frymëzim dhe jo shqetësim për punën që bëjmë!
Huckerët vazhduan punën e tyre ashtu si edhe Ne punën tonë dhe u familjarizuam me këto sulme madje i mirëprisnim “me lule dhe me kafe” sa herë që I Madhi e I Gjati i tyre prekej.
Bill Gates thotë se suksesi është mësues i keq. I mashtron njerëzit e mençur dhe fillojnë të mendojnë se nuk mund të humbasin. Por Ne nuk mendojmë kështu edhe pse sot mund të mburremi me suksesin tonë.
Sot, Ne mund të themi me plotë kuptimin e fjalës: Ia dolëm! Ia dolëm sepse krijuan një portal serioz dhe sot kemi një lexues elitar, por mund të ndodhte e kundërta përkundër përkushtimit tonë.
Ia dolëm sepse nuk i dhamë hapësirë cicave dhe përdhunimeve, vetëm që të lexohemi ose të përfitojmë ndonjë “like”. Jo, gjëra të tilla nuk kemi pasur dhe nuk do të kemi kurrë, ndryshe, portale dhe gazeta online me gjëra të tilla ka pa fund, që mos të themi, të gjitha janë të tilla.
Ia dolëm sepse u bëmë të besueshëm, nuk kemi asnjë përgënjeshtrim të asnjë lajmi që është botuar tek Pa Frikë.
Ia dolëm edhe kur refuzuam reklamën ndonëse tepër joshëse sepse ishim të bindur siç jemi edhe sot të bindur që taksa në Rrugën e Kombit për shqiptarët, është e padrejtë.
Ia dolëm edhe kur refuzuam reklamën sepse ishim dhe jemi të bindur se LSI është rrezik për të djathtën shqiptare.
Dhe, në fund, ia dolëm sepse ky është një portal që informon dhe nuk ka për qëllim të devijoi qoftë edhe një shqiptar në rrugën e shkatërrimit të shtetit dhe të ardhmes shqiptare. Donacione këto që nuk pushojnë nga Serbia dhe Rusia!
Lexues të nderuar qofshi të bekuar!
I bekuar qoftë Portali Pa Frikë!
Mos harroni: Ne raportojmë Ju lexoni Pa Frikë!
