Ina Zhupa denoncon/ Ja si i dëmton bizneset Erjon Veliaj  

Zëdhënësja e Partisë Demokratike, Ina Zhupa, ka denoncuar abuzimin e rradhës të bashkisë, tashmë edhe me bizneset e Tiranës.

Ina Zhupa publikon në rrjetin social Facebook rastin e një biznesi të vogël, të cilit brenda 10 ditësh i kanë mbërritur dy shkresa të ndryshme që dëmtojnë aktivitetin e tij.

Në shkresën e parë, ky biznes rezulton se nuk ka asnjë detyrim tatimor të mëparshëm, por 10 ditë më vonë, i njëjti biznes përballet me shkresën e dytë të bashkisë ku rezulton të ketë 57.916,7 lekë detyrime të mëparshme.

Abuzimi nuk mbyllet me kaq sepse ky biznes, sipas bashkisë, ka kaluar nga statusi ‘i vogël’ në ‘të madh’, çka do të thotë shtim të taksave.

 Ja dhe postimi i plotë

SI DËMTON BIZNESIN E VOGËL BASHKIA TIRANË!

Shikoni dy shkresa të lëshura nga bashkia e Tiranës në harkun kohor prej 10 ditësh nga njëra tjetra.

Shkresat janë për detyrimet financiare që i paguan biznesi bashkisë së Tiranës.

Në shkresën e parë rezulton 0 detyrime të mëparshme, ndërsa 10 ditë më vonë dalin detyrime të mëparshme. Edhe detyrimet aktuale ndryshojnë në harkun kohor të 10 ditëve.

Gjithashtu po ta shikoni me datë 13 ushqimorja e lagjes quhej biznes i vogël, ndërsa 10 ditë më vonë në shkresën tjetër quhet biznes i madh. ( në shkresë shenjat BV dhe BM)

Çfarë është kjo? Abuzim i pastër me detyrën, paaftësi nga Bashkia apo tentativë për të pasur marrëdhënie korruptive duke lëvizur shifrat në shkelje të ligjit?

Si do që të jetë, është në dëm të biznesit. Ky është Veliaj dhe administrata e tij.