Ishin fshehur në trajler për të ikur nga Shqipëria, arrestohen…

Policia Kufitare e Durrësit në bashkëpunim me Doganat kanë bërë të mundur ndalimin e 4 personave, të cilët ishin fshehur në një trailer me qëllim shmangien e kontrollit kufitar.

Mësohet se gjatë kontrollit të ushtruar nga autoriteti në Pikën e Kalimit Kufitar Durrës në brendësi të një mjeti, trailer janë konstatuar disa persona.

Pas kontrollit të ushtruar në mjetin tip trailer, i ngarkuar me makineri dhe konfeksione, me drejtues Mariglen Mema janë gjetur të fshehur 4 personave qëllim për të kaluar kufirin në mënyrë të paligjshme, duke iu shmangur kontrollit kufitar.

Policia ka vënë në pranga Mariglen Mema  24 vjeç , drejtuesin e trailerit si dhe Altin Hajdini 29 vjeç, banues në Durrës, i fshehur  në trailer, me qëllim për të kaluar Kufirin në mënyrë të paligjshme.

Tre personat e tjerë të gjetur në trailer H.L. 32 vjeç, banues në  Tiranë; V.M. 34 vjeç, banues  në Mirditë dhe F.V. 28 vjeç, banues  në Peshkopi, janë lënë të lirë.

Mësohet se ata ishin me rekorde si të parregullt në vendet e BE-së, ndërsa materialet i kanë kalur Prokurorisë së Rrethit Gjyqësor Durrës për veprime të mëtejshme për veprën penale “Ndihma për kalim të paligjshëm  të kufijve”.