Ja reagimi i parë i Fatmir Xhafajt për bashkëpunëtorin X/ Ata kanë zgjedhur atë rrugë…

Ministri i Brendshëm, Fatmir Xhafaj, ka reaguar sot për herë të parë lidhur me dëshminë e dhënë një ditë më parë nga Albert Veliu, shfaqur si bashkëpunëtori X, në audiopërgjimin me vëllanë e ministrit, Agron Xhafajn.

“Më pyetët për dëshminë e paraqitur dje nga Partia demokratike, dua t’u them një gjë që këtu jemi në vendin e Task Forcës Speciale, kurse atje jemi në vendin e sajesave dixhitale, unë duhet të punoj për prokurori speciale dhe per polici speciale, detyra e tyre të punojnë për dixhitalin e sajuar, kjo nuk është çështja ime, unë kam zgjedhur të bëj detyrën, ata kanë zgjedhur atë rrugë. Për mua është e rëndësishme të bëj detyrën”, tha Xhafaj.