Xhafaj në krah të ambasadores gjermane/ Ja mesazhi që jep për Task Force Speciale

Ministri i Brendshëm Fatmir Xhafaj, pas deklaratës per media te jashtezakonshme ditën që vëllai i tij u vetëdorëzua në Itali për të vuajtur dënimin e disa viteve më parë, ka dhënë sot një deklaratë pas takimit që ka pasur me ambasadoren e Gjermanisë, me Task forcen speciale, ku ka dhënë edhe një mesazh të rëndësishëm, e ka treguar se në bashkëpunim me Gjermaninë po hetohen çështje që kanë shumë ndjeshmëri në opinionin publik shqiptar.

“Dua të falenderoj ambasadoren për vizitën për mesazhet qe përcolli me drejtuesit e task forcës speciale dhe për task forcen antiskifter që punon me task forcën gjermane në Shqiperi dhe territorin gjerman.

Dua te nenvizoj ndihmen qe qeveria federale e Gjermanise, ministria e Brendshme dhe policia gjermane jane duke i ofruar Ministrise së Brendshme shqiptare, policisë së shtetit në luftën kundër krimit të organizuar.
Mbeshtetja gjermane ka qenë mbështetje dhe asistente konkrete në hetimin e kësaj strategjie dhe me kontribute konkrete në ceshtje konkrete.

Ne kemi disa cështje shumë të ndjeshme edhe për publikun shqiptar dhe pala gjermane homologët tanë janë duke dhënë një kontribut të jashtëzakonshëm jo thjesht asistente por edhe per shkëmbimin e informacioneve për të pasur sukses në këto cështje shumë të ndjeshme”.

“Shqiptarët nuk janë ndër vendet që zënë peshë në krimin e zhvilluar në Gjermani nga të huajt, sa për dijenine tuaj përjashto veprat me migracionin e paligjshëm, për pjesën tjetër shqiptarët janë të 15 në Gjermani, por kjo nuk do të thotë që nuk ka probleme, përkundrazi, ka probleme në trafik droge, qeniesh njerëzore, vjedhjeve të banesa dhe automjeteve”.