Kërkesë Parlamentit, PS vazhdon me përjashtimet e deputetëve të PD!

Pak çaste pas kërcënimit të Kryetarit të Grupit Parlamentar të Partisë Socialiste, Taulant Balla, se do të përjashtohen të gjithë ata deputetë që nuk respektojnë Rregulloren e miratuar socialiste, mësohet se Grupi që ai drejton qysh të premten kishte deponuar kërkesën për përjashtimin e deputetëve të PD drejtuar Kryetares së Parlamentit, Lindita Nikolla lidhur me bllokimin e seancës plenare të datës 16.02.2023, nga deputetë të opozitës, që sipas tyre bllokuan mbarëvajtjen e seancës plenare!

Dhe, peformanca e tij pas Konferencës së Kryetarëve, sot, rezulton diotike, si zakonisht!

Në kërkesë, e cila normalisht do të bëhet realitet pasi është urdhëruar nga Edi Rama, thuhet se deputetët Edmond Spaho, Elda Hoti, Sorina Koti, Oerd Bylykbashi, Lindita Metaliaj dhe Gerta Bardeli, penguan zhvillimin e seancës dhe krijuan kaos në Kuvend.

Gjithsesi, se kush krijoi kaosin në seancë plenare ishte e qartë pavarësisht se çfarë thotë Taulant Balla dhe çfarë vendos Konferenca e Kryetarëve, por “bllokimi i foltores” është shqetësimi i fundit i qytetarit shqiptarë para gjithë këtyre vjedhjeve që po bënë partia e Taulantit!