Që slloganet të bëhen realitet…

nga Arben Muça

32 vite më parë qindra Studentë dhe Pedagogë të Universitetit të Tiranës morën nismën duke u ngujuar për kërkesat e tyre dhe njëra nga këto dhe më e rëndësishmja, heqja e emrit të diktatorit nga Universiteti.

Qytetaria e Tiranës dha kontributin e saj në këtë revolucion demokratik duke bërë të mundur heqjen e shtatores së diktatorit nga Sheshi Skënderbej.

Mirënjohje për burrat dhe gratë e Kryeqytetit, të cilët nën terrorin e forcave të policisë dhe të sigurimit të shtetit morën pjesë dhe bënë të mundur që ajo shtatore të vinte zvarrë deri në Kinoklubin e Qytetit Studenti.

Që në fillimet e saj lëvizja Studentore e Dhjetorit’90 artikulonte me zërin plot për një Shqipëri të lirë dhe demokratike, ku shpirti i tyre kërkonte Shqipërinë si gjithë Europa.

Kanë mbetur shumë arsye për të luftuar që të bëhen realitet këto dy sllogane.