KLD vendos rikthimin e Shpresa Beçaj, ja detyra që merr ish-Kryetarja e Gjykatës së Lartë

Këshilli i Lartë i Drejtësisë ka vendosur në mbledhjen e sotme që të rikthejë në detyrë pas katër vitesh ish-kryetaren e Gjykatës së Lartë,  Shpresa Beçaj.

KLD e ka rikthyer Beçajn si gjyqtare në Gjykatën e Apelit.  Shpresa Beçaj kishte paditur KLD-në në vitin 2013, pasi i kishte mbaruar mandati si kryetare e Gjykatës së Lartë.

Beçaj i kishte kërkuar KLD të emërohej gjyqtare pranë Apelit të Tiranës, por kërkesa e saj nuk ishte marrë parasysh dhe për këtë kishte ngritur një padi në Gjykatën Administrative.

Përveç kthimit në detyrë, Beçaj ka kërkuar shpërblimin e dëmit në vlerën 8.061.624 lekë.

Lidhur me këto kërkesa, Apeli i Administratives i ka dhënë disa të drejta gjyqtares Beçaj.