Konferenca e Ambasadorëve të SHBA në Rajon: Forcimi i institucioneve, lufta kundër korrupsionit…
Forcimi i institucioneve demokratike, lufta kundër korrupsionit, mundësitë e energjisë si dhe pushtimi i Ukrainës nga Rusia, ishin temat e diskutimit të diplomatëve të nivelit të lartë dhe Ambasadorëve të SHBA në Rajon, në Konferencën e parë të Shefave të Misioneve të Rajonit e cila u zhvillua në Tiranë.
“Diplomatë të nivelit të lartë dhe Ambasadorë të SHBA në rajon u mblodhën në Tiranë për Konferencën e parë të Shefave të Misioneve të Rajonit. Zyrtarët diskutuan përparësitë rajonale dhe globale, përfshirë pushtimin e Ukrainës nga Rusia, mundësitë e energjisë, forcimin e institucioneve demokratike dhe luftën kundër korrupsionit,” bënë të ditur Ambasada e Shteteve të Bashkuara në Tiranë përmes rrjetit social për Konferencën në të cilën morë pjesë përveç organizatores Ambasadores amerikane në Tiranë, Yuri Kim, edhe Ambasadori amerikane në Prishtinë, Jeff Hovenier, i ngarkuari me punë në Ambasadën e SHBA në Zagreb, Mark Fleming, Ambasadori amerikan në Athinë, George Tsunis, Ambasadorja amerikane në Podgoricë, Judy Rising Reinke, Ambasadorja amerikane Maqedoni të Veriut, Angela Aggeler, Ambasadori amerikan në Serbi, Christopher Hill, Ambasadori amerikan në Sofje, Kenneth Merten si dhe Ambasadori amerikan në Bosnje Hercegovinë, Michael Murphy.
Ndryshe, në këtë takim ishin dhe Zv/Ndihmës Sekretari i SHBA për Çështjet Europiane dhe i dërguari i Shteteve të Bashkuara për Ballkanin Perëndimor, Gabriel Escobar si dhe përgjegjësi i Qendrës Globale të Angazhimit, James Rubin.
