Reshjet e borës, bllokohet Rruga e Arbrit, Policia: Lëvizja përmes aksit Klos-Burrel-Ulëz

Kanë mjaftuar reshjet e borës së mëngjesit të sotëm që të bllokohet Rruga e Arbrit përkatësisht aksi bypass-Qafë Murrizë.

Ndërkohë që thuhet se po punohet për pastrimin dhe hapjen e këtij aksi, Policia Rrugore i bënë thirrje drejtuesve të mjeteve që lëvizin në drejtim të Tiranës dhe anasjelltas nëpërmjet bypass- Qafë Murrizë, të ndjekin aksin rrugor Klos-Burrel-Ulëz.

Gjithashtu, Policia Rrugore i bënë thirrje të gjithë drejtuesve të mjeteve të moderojnë shpejtësinë dhe të tregojnë kujdes të shtuar në drejtimin e mjetit.

Njoftim:

Prej orëve të para të mëngjesit të sotëm në zonat malore të qarkut Dibrër kanë rënë reshje dëbore dhe për këtë shkak, aksi i rrugës së Arbrit , bypass- Qafë Murrizë, është bllokuar përkohësisht dhe subjekti kontraktor po punon për pastrimin dhe hapjen e saj.

Policia Rrugore apelon për të gjithë drejtuesit e mjeteve që lëvizin në drejtim të Tiranës dhe anasjelltas nëpërmjet bypass- Qafë Murrizë, të ndjekin aksin rrugor Klos-Burrel-Ulëz.

Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë.

Në rast nevoje për ndihmë, telefononi në numrin 112.