Kosova pushton Evropën, Gjakova e artë në Izrael

Xhudistja kosovare Nora Gjakova është shpallur kampione e Evropës në kategorinë deri në 57 kilogramë, në Kampionatin Evropianin që po zhvillohet në Tel Aviv.

Ajo arriti të marrë medaljen e artë për herë të parë pasi mposhti në finale gjermanen Theresa Stoll. Gjakova fitoi me ippon.

Kjo është medalja e dytë që Kosova mori sot në Evropian. Para Gjakovës, Distria Krasniqi në kategorinë deri 52 kilogramë fitoi të argjendtën.