Kosovë, 1.5 miliardë euro sjellë diaspora në vit

Rreth një miliard e 500 milionë euro hynë nga diaspora në Kosovë. Këtë e bëri të ditur Ish-ministri i Diasporës i Kosovës, Valon Murati duke shtuar se është tejkaluar faza ku diaspora është parë vetem si rruga prej nga vinë remitancat.

“Remitancat janë njëri prej mekanizmave kryesore për të ruajtur paqen sociale në vend, ndonëse në mënyrë krejt indirekte ato ndikojnë në zhvillimin ekonomik të Kosovës”, tha Murati në emisionin “Përballje” dhe janë diku 600 deri në 650 milionë euro që mërgimtarët i shpenzojnë kur vijnë në vizitë në Kosovë.

“Ka biznese të fuqishme në Kosovë që mua personalisht më kanë thënë që ata me punën që e bëjnë gjatë tre muajve të verës, mbijetojnë gjatë 9 muajve tjerë”, tha kryetari i LB, Valon Murati.