KPK, shkarkohet gjyqtarja e Elbasanit,  Enkeleda Kapedani

Komisioni i Pavarur i Kualifikimit, KPK, sot ka shkarkuar nga detyra gjyqtaren e Elbasanit, Enkeleda Kapedani.

Ndryshe, Enkeleda Kapedani u dekretua në detyrën e gjyqtares në gjykatën e Elbasanit në vitin 2015. Emri i saj u lakua në media kur firmosi lirimin me kusht të Viktor Imerit, e bandës së Gaxhait, por reagime institucionale nuk kishte. Dhe, deri sa pritej kontrolli i vendimmarrjes së saj, gjyqtarja Kapedani u ngrit në detyrë. Në shtator 2020, mbledhja e gjyqtareve e zgjodhi nënkryetare në detyrë, ndërkohë që nuk e kaloi vettingun.

Së fundi, Enkeleda Kapedani pushtoi rrjetet sociale, pas publikimit të disa videove që ajo hidhte në Tik Tok me sfilata në zyrën e saj. Gjyqtarja pranoi shkeljen disiplinore dhe shprehu pendesë për veprimet e saj brenda institucionit të gjykatës, ndërkohë ILD vendosi ta pezullojë atë nga detyra për 6 muaj.