Nuk u pranuan nga Grupi Parlamentar i PD, sot kriteret e deputetëve të Bashës pranohen nga PS

Demokracia po lulëzon me hapa të shpejtë në Shqipëri! Sot kjo u konfirmua në shtetin e Edi Ramës kur gjatë procesit për zgjedhjen e Presidentit të Republikës, kriteret që u propozuan nga deputetët e Lulzim Bashës ndonëse nuk janë pranuar nga Grupi Parlamentar i PD sot ato u pranuan pa kushte nga Partia Socialiste e Edi Ramës. Dhe jo vetëm kaq!

Pas një debati të stërgjatur dhe bosh, Kryetari i Grupit Parlamentar të PS, Taulant Balla, tha se deri në raundin e tretë nuk do të bëjnë propozime për Presidentin dhe do presin ato të opozitës ndërsa për raundin e katërt dhe të pestë fletë Kushtetuta.

Balla: Deri në raundin e tretë propozimet i keni ju, ne nuk po propozojmë deri në raundin e tretë. Bëni si ta doni ju. Mos harroni nëse doni të konsultoni ndonjë emër me ne na njoftoni kur. Nëse doni të ecni në mënyrë ekskluzive, atëherë ramë dakord, pranohet dokumenti juaj deri në raundin e tretë. Në raundin e katërt e ka thënë Kushtetuta si zgjidhet, ratë dakord? Një po, një kundra, miratohet.

Alibeaj: Po, pranojmë, por ki parasysh. Çdo shkelje siç e ke lexuar, e këtyre rregullave është shkelje e marrëveshjes.