Kretë, arrestohet shqiptari dhe një greke/ Bllokohen kokainë, mijëra euro dhe…
Një shqiptar dhe një shtetase greke u arrestuan nga policia helene në ishullin e Kretës, me akuzën e trafikut të lëndëve narkotike.
Shqiptari dhe grekja u arrestuan në momentin që po shkëmbenin mallin me një sasi eurosh.
Sipas mediave vendase, policia bllokoi 1.16 kg kokainë, ndërsa që shqiptarit u bllokuan në total mbi 110 mijë euro dhe 120 paund që i kishte me vete dhe në makinën pranë vendit ku po kryhej blerja e lëndës narkotike. Gjithashtu policia sekuestroi në automjetin e shqiptarit 37 doza të gatshme kokaine me peshë 69 gram.
Policia sekuestroi dhe dy automjetet e tyre si dhe 4 telefona celularë.
Hetuesit grekë dyshojnë se shtetasja greke e arrestuar e sillte kokainën me tragetin e linjës nga Pireu, ndërsa shqiptari e shiste atë në qytetin e Chanias.
