Kreu i SPAK raporton në Parlament, avokatinë i bënë mazhoranca

Korrupsioni është një problem, ndodh shpesh dhe në mënyrë të organizuar, duke vjedhur nga paratë publike, tha kreu i SPAK, Altin Dumani, duke prezantuar Raportin 2023 në Parlament ndërsa shtoi se Prokuroria e Posaçme ka ndërtuar strategji kundër pastrimit të parave, duke sekuestruar paratë e krimit.

Në pyetjet e deputetëve të opozitës nuk dha asnjë përgjigje konkrete ku shpesh përdori refrenin “çështja në hetim” ndërsa për pakënaqësitë e deputetëve në këto përgjigje të Altin Dumanit, deputetët e Edi Ramës ishin shumë aktiv duke marrë shpeshë dhe rolin e Aranit Çelës .

“Korrupsioni është një problem, ndodh shpesh dhe në mënyrë të organizuar, duke vjedhur nga paratë publike. Nga 2021-2023, janë regjistruar 16 përqind më shumë çështje penale nga SPAK. Janë shumë çështje të transferura, ku prokurori ka hetuar e madje edhe ka zbardhur autorët e veprës penale, por ka raste kur vetë prokurori transferohet me punë. Masa “arrest me burg” është ulur me 3 për qind.

Janë rritur hetimet me metodën pro-aktive. Institucionet referojnë shumë pak raste korrupsioni në SPAK. Janë dënuar me vendim të formës së prerë 269 persona. SPAK, gjatë 2023, në kuadër të bashkëpunimit, ka nënshkruar 4 marrëveshje bashkëpunimi ndërkombëtar. Gjatë 2023, kemi shpallur në kërkim ndërkombëtar 72 persona. SPAK ka ndërtuar strategji kundër pastrimit të parave, duke sekuestruar paratë e krimit,” tha kreu i Prokurorisë së Posaçme duke raportuar ndërsa nënvizoi mungesën e kallëzimeve nga institucionet publike, si një nga problematikat me të cilat përballet Prokuroria e Posaçme.

“Masa arrest me burg që kemi kërkuar ne janë vetëm 29 përlind të totalit. Numri total i të paraburgosurve nga SPAK zë vetëm 8.5 përqind nga numri i përgjithshëm.

Shqetësimet tona: Mungesa e përcaktimit ligjor të statusin të prokurorit pas përfundimit të mandatit, mungesa e këshilltarëve ligjor. Adresimi i ngarkesës së shtuar sipas pikës 8 neni 178/ b të Kushtetutës ndaj drejtuesit të SPAK mbi çështjet e papërfunduara të vlerësimit të magjistratëve pas marrjes së kompetencave të komisionerëve publikë,” tha kreu i SPAK, Altin Dumani duke kërkuar dhe shtimin e hetuesve të BKH.

“Mungese referimeve nga insitucioneve publike. Shtimi i hetuesve të BKH. Numri i konsiderueshëm i hetimeve të mbartura, Mungesa e kompetencave për shqyrtimin e kërkesave nga institucionet e huaja. Mungesa e kompetencave vendore e gjykatave të posaçme për shqyrtimin e kërkesave në fazë hetimi për subjektet e posaçme.”