Kryetarja e Komunës Preshevës falënderon Kosovën për subvencionet në Luginën e Preshevës

Subvencionimi për bujqit dhe blegtorët nga Lugina e Preshevës është një hap domethënës në përkrahjen e vazhdueshme që Qeveria e Kosovës po jep për ruajtjen dhe zhvillimin e potencialit kombëtar, tha Kryetarja e Komunës së Preshevës, Ardita Sinani, duke vlerësuar mundësitë e reja që krijohen për zhvillimin e agroturizmit dhe rritjen e ekonomisë lokale.

“Kjo mbështetje nuk është vetëm ndihmë financiare, por edhe një nxitje për rritjen e kapaciteteve tona, duke përfshirë këtu edhe agroturizmin, i cili lidhet ngushtë me zhvillimin e bujqësisë dhe blegtorisë,” shprehet Kryetarja e Komunës Preshevë, Ardita Sinani, në reagimin e saj përmes rrjeti social Facebook duke përfunduar me një falënderim për Kryeministrin e Kosovës, Albin Kurti.

“Z. Kryeministër Albin Kurti, ju falënderojmë që çdo ide dhe angazhim po e ktheni në veprime konkrete! Faleminderit për gjithçka që po bëni për ne në Luginën e Preshevës!”