Ligji për magjistratët, PS fton opozitën për bashkim votash

Partia Socialiste, një ditë para seancës së Kuvendit, ku në rend dite është votimi i ligjit për magjistratët e rinj, ka ftuar opozitën për bashkimin e votave.

Ftesa në drejtim të opozitës është bërë nga Kryetari i Grupit Parlamentar të PS-së Taulant Balla

Ky i fundit tha se është detyrim i palëve politike për të vazhduar me zbatimin e reformës në drejtësi.

“Bëhet fjalë për një detyrim të qartë të çdo force politike të përgjegjshme, e cila sikurse bashkë kemi miratuar paketën e reformës në drejtësi dy vite më parë, kështu na duhet edhe tani të rivendosim këtë afat me qëllim që djem e vajza të shkëlqyer që mbarojnë studimet në drejtësi dhe që duan që karrierën ta vijojnë duke u përfshirë në sistemin e ri të drejtësisë përmes kalimit të shkollës së magjistraturës”, tha Balla.