Lirimi i Sali Berishës, emergjencë kombëtare!

nga Agim Popoci

Arrestimi i Sali Berishës me urdhër të Kryeministrit Edi Rama do të ngelet në analet e gjyqësorit shqiptar si arrestim shumë më i rëndë se sa thjeshtë një arrestim politik; Por, arsyetimi për lirimin e Berishës që po bubërron në laboratorin juridik të këtij regjimi kriminal, përveç se ka kuotat më të larta në bursën politike shqiptare, ende pa e pa dritën e diellit me sy, mund të thuhet pa diskutim që sot, se do të zë vend në këto anale të gjyqësorit!  

Lirimi i Sali Berishës pavarësisht se është i domosdoshëm për vetë Partinë Demokratike, në prag të zgjedhjeve parlamentare të viti 2025, është shndërruar në nevojë emergjente për vetë Partinë Socialiste, Edi Ramën bedelin e tij Zotni Lafsha dhe të ngjashmit e tij!

Por, ka dhe nga ata që nuk e duan lirimin e Sali Berishës pasi që janë në hapat e parë të projektit të tyre, 5 dishepujt e Zotni Lafshës që sapo janë zgjedhur drejtues politikë në pesë qarqe: Kukës, Lezhë, Dibër, Elbasan dhe Fier!    

Rithemelimi i PD ka pësuar shumë goditje nga momenti që kryetarit të saj Sali Berisha iu vendos masa “arrest shtëpie” duke bërë që dhe demokratët të fillojnë të ndjellin skepticizëm në shtetin ku tokën, ujin dhe ajrin, po e kontrollon një njeri i vetëm, Edi Rama!

Ndonëse mungon artikulimi i vazhdueshëm i lidershipit të PD për lirimin e Sali Berishës, mungesa e Sali Berishës ndër demokratë me vizitat e tij të përhershme dhe këshillimet e pandërprera sy më sy, e ka bërë të domosdoshme prezencën e tij ndërsa motorët e garës elektorale janë ndezur; Ndërkohë kanë lindur shumë paqartësi dhe për organizimin e partisë që pretendon të fitoj zgjedhjet parlamentare në vitin 2025!   

Nga ana tjetër, përkundër ekzaltimit të shfaqur të Edi Ramës kur e arrestoi Saliun, sot janë rilindasit e tij komunist që kërkojnë lirimin e tij, madje me urgjencë! Në prag të zgjedhjeve parlamentare, pas 12 vjet qeverisjeje kriminale, asnjë rilindas komunist nuk po arrin më t’i ndërsen Saliun elektoratit të tyre, kur Edi Rama përveç se e arrestoi në shtëpi, mburrej duke treguar pamjet në televizionet kombëtare se Saliut nuk i kishte mbetur më asgjë përveç se të shëtiste në ballkonin e tij!

Në këtë derexhe kanë ra dhe lulushët që nuk e akuzojnë dot më Doktorin sepse euoratlantikët e tyre sado që janë të trashë, të dhjerë dhe të përdhunuar nga Sigurimi i Shtetit, e kuptojnë se sot Doktori nuk bënë dot asgjë prej aty ku e ka katandisur Edi Rama! E për t’i lëvizur timbri Zotni Lafshës dhe të ngjashmëve  për të akuzuar Doktorin, konfirmohet si domosdoshmëri që Sali Berisha duhet të jetë i lirë dhe të veproi!

Në këtë mes, jo më trimat por ata që nuk e duan lirinë e Sali Berishës janë vetëm 5 dishepujt e Zotni Lafshës që sapo janë futur në kreun e Partisë Demokratike dhe nuk e kanë fshehur se fati i Dr.Berishës, sipas tyre,  është në duart e SPAK!

Mend e kalem nuk duan duart e Prokurorisë së Posaçme meqë ato janë të lidhura nga Edi Rama dhe e mbyllin këtë qark të shkurt, por, ky qark mund të mbyllet edhe nga vetë pesë dishepujt e Zotni Lafshës tashmë të zyrtarizuar si drejtues politik në Kukës, Lezhë, Dibër, Elbasan dhe Fier, të cilët nuk e përfundojnë dot misionin e tyre të degjenerimit të PD në veri, aty Doktori i ka aksionet më të fuqishme elektorale, sapo ta shohin Sali Berishën në liri!

Në këtë situatë, Edi Rama, përveç se gjakun nuk e ka ujë por të një race komuniste që kundërshtarin e don të varur ose të paktën në pranga, konfirmon se është edhe i palexuar, ndryshe as që do ti shkonte nëpër mend ta arrestonte liderin e opozitës, Sali Berisha!

“Kur njeriu është i lodhur, atëherë është afër Zotit, e kur është në burg, është afër popullit të tij,” e ka thënë shumë kohë më parë politologu i njohur kroat, Stjepan Radić, i arrestuar politik gjatë dy mbretërive, Austro Hungarisë dhe Serbo Kroate Sllovene, deri në atentatin që iu bë në parlament.

Kështu dhe Edi Rama, pasi arrestoi Sali Berishën dhe e afroi edhe më shumë me popullin, sot është para një situate që as ngjelajt dhe preçët e tij nuk e kishin parashikuar: hallin e bashkëpunëtorëve të tij të partisë, të cilët në mungesë të rezultateve dhe renditjes së dështimeve me shumicë të qeverisë, nuk po arrijnë as t’i frikësojnë dot më socialistët me Saliun, përderisa ai është nën arrest!

Në këtë emergjencë kombëtare kur askush nuk e diskuton më ligjshmërinë sepse paligjshmëria është e padiskutueshme, dhe, lirimi i Sali Berishës është jetik për ekzistencën dhe fitoren e Partisë Demokratike në zgjedhjet parlamentare të vitit 2025, pronari i tokës, ujit dhe ajrit shqiptar, do të detyrohet ta liroj Sali Berishën!

A e ka vullnetin Edi Rama?! Kjo pak rëndësi ka, ai pretendon të fitoj, e Presidenti i 34 i Shteteve të Bashkuara, Dwight David Eisenhower, e ka sqaruar më mirë se askush tjetër vendimin e tij të vështirë:

Nuk ka fitore me çmim të mirë!