Listat e Mbyllura, cilësia mori arratinë! Tre realitete shqiptare!
Në një demokraci normale, përballja me këtë Kod Zgjedhor do të vijonte me Lista të Mbyllura ku do të zinin vend bota akademike, mjek dhe artistë, inxhinier dhe shkencëtarë të ndryshëm, si dhe prurjet e reja nga diaspora, në rastin tonë në veçanti me këtë trend aktual!
Por, publikimi i listave të kandidatëve për deputetë nga partitë pjesëmarrëse në zgjedhjet e 11 majit tregoi se çështja “Listat” ishte vetëm një arsye që do të tërhiqet zvarrë deri në publikimin e rezultateve të zgjedhjeve për ti drejtuar gishtin fajtorit për humbje, sepse të mbyllura apo të hapura, për përmbajtjen e tyre nuk e kishte mendjen njeri!
Ndryshe, askush nuk do të hartonte strategji për të minuar Kodin Zgjedhor apo siç u tha Listat e Mbyllura, por në vend të prindërve dhe fëmijëve të liderëve, vend do të zinin profesor dhe mjek që do të nderonin çdo parti, violonçelistë dhe harpistë që me aq sakrifice mbarojnë Akademinë, arkitekt dhe inxhinier emrat e të cilëve përdoren në projekte ndërkombëtare por jo dhe kur hartohen Listat për deputetë!
Kështu cilësia mori arratinë dhe të bombarduar nga propaganda e mediave të Edi Ramës, Listat e Mbyllura u shndërruan në fatkeqësinë e këtyre zgjedhjeve, përfillja e Vendimit të Gjykatës Kushtetuese u fut në centrifugën e debatit politik të natës ndërsa shigjetat plot helm u kthyen nga Sali Berisha, sepse, sipas tyre, nuk mbrojti votën shqiptare edhe me rikthimin në tavolinën vendimmarrëse!
Dhe, sot, kur cilësia mori arratinë, listat e kandidatëve për deputetë u publikuan, dhe së bashku me to edhe sondazhet e mediave që vazhdojnë dhe i bien muzikës me partiturën e Edi Ramës, shpërfaqen tre realitete shqiptare!
Partitë që i polli Edi Rama
Kundërshtari më i egër i Listave të Mbyllura rezultoi të jenë partitë që i polli Edi Rama si nga gjiri i PS ashtu dhe PD, që opinionit iu servirën si “parti të reja”; Ku kundërshtimi shkoi dhe në ekstrem dhe disa prej tyre futën familjarët e tyre në këtë pjesë të Listës me qëllimin për ta luftuar këtë sistem zgjedhor!
Pse nuk e përdorën Listën e Mbyllur për njerëz që e kanë të vështirë ta marrin votën sepse i janë përkushtuar botës akademike, por, vazhduan të akuzojnë Sali Berishën se ka frikë nga vota, kjo nuk është e qartë!
Dhe, sikur të jetonin në një botë reale me gjithë ato akuza që i bënë partive të vjetra, pse kur iu afruan urës, duhet të dëshmonin se dinë not dhe iu futën lumit me besimin se do t’i bindin shqiptarët se kështu është më mirë të kalohet ky lum!
Apo, e kishin me merak ti tregojnë krijuesit, se ja që në zgjedhje po futen për të humbur, dhe pragun e Listës së Mbyllur as që e kanë llogaritur ta kalojnë!
Duke premtuar një parti ndryshe, këto parti hartuan lista pa Saliun por edhe pa asnjë Prof.Dr. tjetër duke shfaqur alergji edhe ndaj tropojanëve; Madje nga 186 emra asnjëra nuk pretendoi ti afrohet 10% të të gjithë shqiptarëve që jetojnë mbi Fushë Krujë qofshin ata dhe mjek, inxhinier, artist dhe shkencëtarë të njohur të kësaj bote shqiptare që nuk është aq e madhe pavarësisht përmasave megalomane të këtyre idiotëve të padobishëm që bënë Parti!
Këtu nuk bënë përjashtim as Agron Shehaj me Mundësinë e tij i cili edhe pse e tha qartë që ishte i pari në Listë të Mbyllur sepse është më i votuari, ai nuk e përdori këtë pjesë të Listës për garantimin e cilësisë së kësaj Partie, që e krijoi nga xhepi dhe mendja e vetë ndryshe nga të tjerët!
Pse u krijuan atëherë?!
Jo për t’u lënduar nga Lista e Mbyllur, por që partitë e reja të majta të mbledhin votat e komunistëve të zhgënjyer nga narkorilindasit e Edi Ramës, dhe të tjerat që thonë se janë të djathta, të thërrmojnë Partinë Demokratike aq sa nuk arriti Zotni Lafsha!
PD e dëmtuar
Publikimi i listës së kandidatëve për deputetë nga Partia Demokratike ku në krye të Listave të Mbyllura dhe pjesë e tyre ishin kryesisht asqerët e Zotni Lafshës, tregon se kjo parti është më e dëmtuara nga kjo pjesë e Listës pavarësisht broçkullave të kundërshtarëve të Saliut; Madje kjo Listë minoi dhe procesin e Primareve për të cilin u shpenzua aq shumë energji dhe kohë!
Për pjesën tjetër të kësaj Liste që nuk u rikthyen për “bashkim” por janë “të dënuar” të jenë pjesë e saj, lidershipi i kësaj partie mund ti referohet rastit të mjekut të njohur Prof.Dr.Halim Kosova kur përballë Erion Velisë humbi në garën për Kryetar të Bashkisë Tiranë, por, pyetja shtrohet se përballë kriminelëve të Edi Ramës a duhet domosdoshmërisht të kandidohen kriminelë meqë po e kërkon aktualisht aktualiteti shqiptar, qofshin ata dhe influencër kokëbosh të rrjeteve sociale që nuk kanë lidhje me botën e krimit!
Partia Demokratike lindi si parti e vlerave, dhe Lista e Mbyllur aktualisht është mënyra e vetme se si të ruhen këto vlera duke mos dalë në detin e hapur të qifeve dhe taulantëve!
Por, kjo Listë nuk u shfrytëzua për këtë qëllim!
Nëse dikë e rrenë mendja se cilido nga kandidatët e Listës së Shkodrës mund ta “bashkoj” partinë më shumë se Bardh Spahia, atëherë ai nuk ka lidhje me politikën; Ose në rastin e Kukësit, ku kundërshtari më i madh i Rithemelimit të PD kryeson Listën, ashtu si në Lezhë, Dibër e Fier!
Në fund, 186 kandidatë për deputetët mund të jenë shumë për dikë që e kërkon emrin e vetë në këtë Listë dhe nuk i figuron, por, janë pakë për këtë popull që aktualisht është më i madh në numër në emigracion se sa në vendlindje, dhe ka shumë studiues dhe artistë të rrallë që lindën po nga kjo diasporë me gjak shqiptari, dhe, mburren!
Pse janë të tillë, pak rëndësi ka nëse nuk i do Kodi Zgjedhor, PD duhet t’ju hap portën këtyre shqiptarëve që sot të gjitha portat tjera i kanë të mbyllura!
PS e fituar
Partia Socialiste ose ekskluzivisht kryetari i saj Edi Rama mund të jenë më të interesuarat për ekzistimin e një sistemi të tillë zgjedhor, jo për rritjen e cilësisë së përfaqësimit në parlament, por të paktën për të zënë vend trashëgimtarët e nomenklaturës komuniste, sepse me hapjen e plotë të listave natyrisht që të kontestuar mund ta ketë fitoren edhe vetë Kryeministri Rama më 11 Maj!
Nëse e krahasojmë me parlamentin e dalë nga zgjedhjet e 2 dhjetorit të vitit 1945, ai i 11 Majit 2025 do ketë po aq kriminelë ndonëse shumë më të pasur, edhe pse duhet të pranuar se në zgjedhjet e vitit 1945 kishte shumë më shumë trima se sot ndër këtë racë të fëlliqur komuniste; Fronti Demokratik ishte kriminal sa nuk mbanë më por në Dhjetor të vitit 1945, nga 17.564 votues sa kishte zona elektorale e Enver Hoxhës në Tiranë, 2.151 votuan kundër tij, gjë që sot nuk mund ta imagjinoj as Lali Eri nga burgu e lëre më Klotilda Bushka qoftë dhe përmes telit të partisë!
Mediat e shumta janë marrë shumë me përgjimet dhe bisedat e koduara që i hodhi në treg SPAK dhe Sigurimi i Shtetit për të kuptuar shqiptarët se kush i harton listat e deputetëve; Por, kjo nuk i hynë njeriu në punë kur edhe me herësin famëkeq e kuptuan se taulantët dhe rrajat janë ata që dominojnë tregun e trafikut të votave, treg i cili do të ishte shumë më i ashpër në konkurrencë nëse do të plotësohej dëshira e ca të pakënaqurve historik ku dështimin e shohin te Lista e Mbyllur dhe Saliu!
Në fund, me këtë lloj kryetari si Edi Rama, nuk përjashtohet mundësia që edhe me Lista 100% të Hapura, Partia Socialiste të gjejë zgjidhje! Vetëm se krerët e botës së krimit nuk do të caktojnë më ministrat, por do të bëhen vetë ministra! Në fund të fundit, kurrfarë dallimi nuk ka nga Taulant Balla ministër dhe Safet Bajri ose Pëllumb Gjoka ministër; Madje këtu përfiton Edi Rama që nuk bënë telefonin e prishur ndërsa i humbur mund të jetë ndonjë kompani e llojit EncroChat që ministrit të Ramës nuk do ti duhej më dërgimi i kurrfarë mesazhi të koduar!
